«Үлкен сәттілік»: Nebius акциялары Microsoft-пен $19,4 млрд келісімнен кейін өсті
Нидерландыда орналасқан, Қазақстан тумасы әрі «Яндекс» компаниясының тең құрылтайшысы Аркадий Волож негізін қалаған Nebius Group жасанды жады (ЖЖ) дамытуға арналған инфрақұрылым ұсыну бойынша Microsoft компаниясымен 19,4 миллиард долларлық келісімге қол қойды. Бұл жаңалықтан кейін Nebius акциялары кеңейтілген саудада 60%-дан астам өсіп, негізгі саудада 44%-ға қымбаттады.
Bloomberg-тің мәліметінше бұл келісім Nebius-ке өз бұлтты технологиялар бизнесін едәуір кеңейтуге мүмкіндік берсе, ал Microsoft-қа — ЖЖ үшін қажет есептеу қуатының жетіспеушілігін шешуге жол ашады.
Келісімнің мазмұны
Келісім шарттарына сәйкес Nebius Microsoft-қа келесі бес жыл ішінде GPU негізіндегі инфрақұрылымдық қуаттарды ұсынады. Бұл келісімнің құны $17,4 млрд болса, қосымша қуаттар сатып алу мүмкіндігімен бірге сома $19,4 млрд-қа дейін жетуі мүмкін. Бұл ақпарат АҚШ-тың Бағалы қағаздар және биржа жөніндегі комиссиясына (SEC) берілген құжаттарда көрсетілген.
Nebius АҚШ-тың Нью-Джерси штатындағы Вайнленд қаласында орналасқан жаңа дата-орталық арқылы Microsoft-қа арнайы GPU-инфрақұрылымға қолжетімділік береді. Жобаның іске қосылуы 2025 жылдың соңына жоспарланған.
«Келісімнің қаржылық шарттары өте тиімді. Бірақ одан да маңыздысы — бұл келісім біздің ЖЖ-бағыттағы бұлтты бизнесіміздің 2026 жылдан бастап жылдам өсуіне мүмкіндік береді», – деді Nebius бас директоры Аркадий Волож.
Компания бұл келісімді жүзеге асыру үшін қажетті инвестицияны келісім шеңберінде алынған қаражат пен қарыз арқылы жабатынын мәлімдеді.
Нарықтың реакциясы
Жаңалық шыққаннан кейін Nasdaq биржасында Nebius акциялары кеңейтілген саудада 44%-ға қымбаттады, ал кей сәттерде өсім 60%-дан асты. Blue Ocean ATS платформасындағы бейресми саудада акциялар 47%-ға дейін көтерілді. Ал Microsoft акциялары 0,6%-ға өсті.
Bloomberg-тің мәліметінше бұл келісім — Nebius үшін үлкен мүмкіндік, себебі компания дата-орталықтарын кеңейтуге белсенді түрде қаржы құйып жатыр. Ал Microsoft болса ЖЖ-мен жұмыс істеуге қажетті инфрақұрылым тапшылығын шешуге тырысып келеді. Шілде айында Microsoft-тың қаржы директоры Эми Худ бұл тапшылық 2025 жылдың соңына дейін жалғасуы мүмкін екенін айтқан болатын.
Уолл-стрит не дейді?
FactSet деректеріне сәйкес Nebius акцияларын бақылайтын барлық бес аналитик оларды сатып алуға ұсынады (төртеуі «Buy», біреуі «Overweight» рейтингін берген). Орташа мақсатты баға — $89,4, бұл 8 қыркүйектегі сауда жабылу бағасымен салыстырғанда 40% өсімді көрсетеді. Алайда, бұл көрсеткіш постмаркет жабылу бағасы $92,5 деңгейінен 3%-ға төмен.
Контекст
Nebius ЖЖ-әзірлеушілерге Nvidia GPU негізіндегі есептеу қуаттарын, деректерді сақтау қызметтерін және жасанды жады модельдерін құруға, баптауға және іске қосуға арналған бұлтты шешімдерді ұсынады. Microsoft қазіргі уақытта Nebius бәсекелесі болып саналатын CoreWeave компаниясының ең ірі клиенттерінің бірі. 2025 жылдың наурызында CoreWeave Microsoft-пен келісімшарттардың бұзылғаны туралы қауесеттерді жоққа шығарған болатын. Сол күні CoreWeave акциялары кеңейтілген саудада шамамен 5%-ға қымбаттады.
