MoonLake бір күнде капитализациясының 90%-ын жоғалтты. Бұған не себеп болды?
29 қыркүйекте биотехнологиялық MoonLake Immunotherapeutics акциялары құлдырап, компания нарықтық құнының 90%-ын жоғалтты. Бұған басты себеп — оның жалғыз зерттеп жатқан препараты сонелокимабтың аралық сынақ нәтижелері инвесторлардың үмітін ақтамауы ұшыратты. Препарат плацебодан аса айырмашылық көрсете алмады.
Егжей-тегжейлі
Акциялар $6,24 деңгейіне дейін түсті — бұл 2022 жылғы сәуірден бергі ең төменгі белгі. Көлем рекордтық болды: 95,4 млн акция сатылды, бұл әдеттегі күндік айналымнан 53 есе көп (Yahoo Finance).
Компания өзі нәтижені «екіжақты» деп атады. MoonLake-тің ғылыми жетекшісі Кристиан Райх:«Тиімділік біздің күткен деңгейде болды, бірақ плацебоға жауап тым жоғары шықты, бұл көңіл көншітпейді».
Енді MoonLake реттеушілермен ақылдасып, келесі қадамды анықтамақ.
MoonLake несімен қызық?
Компания тек қабыну ауруларын емдеуге арналған жаңа терапияға шоғырланған. Сонелокимаб — компанияның жалғыз жобасы. Ең алға жылжыған бағыт — іріңді гидраденитті (қолтық, шап, бөксе аймақтарындағы ауыр қабыну) емдеу.
Бұл ауру дүниежүзі халқының 2%-ына дейін әсер етеді, әсіресе әйелдер мен афроамерикандықтар арасында кең таралған. Қазір нарықта жалғыз дәрі бар — Bimzelx (бельгиялық UCB). Сондықтан MoonLake-тен үміт зор еді. Бұл жаңалықтан кейін UCB акциялары +20% көтерілді.
Уолл-стриттегі реакция қандай болды
JPMorgan: сонелокимабтың профилі «айқын түрде Bimzelx-тен әлсіз». Morgan Stanley: тиімділігі тек +14% плацебоға түзетілген, ал Bimzelx-де — +18%. Wedbush: «барлық инвесторлар үшін үлкен тосынсый» деді. Қысым күшейеді деп болжады, бірақ рейтингті өзгертпеді: Outperform (сатып алу), мақсатты баға — $80 (қазіргі деңгейден 13 есе жоғары). MarketWatch: 14 «сатып алу», 4 «ұстау» рейтингі бар. Орташа мақсатты баға — $67,2, бұл да қазіргі бағамдардан 10 есе жоғары.
