SoftBank күтпеген жерден Nvidia-дағы үлесін толықтай сатып, $5,8 млрд пайда тапты
Arm Holdings компаниясының негізгі акционері болып саналатын SoftBank 2025 жылдың қазан айында Nvidia компаниясындағы барлық үлесін — 32,1 млн акцияны — $5,8 млрд-қа сатқанын тоқсандық есебінде хабарлады. Бұл шешім жасанды интеллект нарығындағы басты бенефициар саналатын Nvidia акцияларының қазан айының соңында $5 трлн капитализацияға жетуінен кейін қабылданған. Саудадан түскен қаражат SoftBank негізін қалаушы Масаеси Сонның жасанды интеллект секторындағы жаңа инвестицияларын қаржыландыруға мүмкіндік береді.
Соңғы инвестициялар және жоспарлар
2025 жылдың сәуірінде SoftBank OpenAI-ға $7,5 млрд инвестиция салған болатын. Ал желтоқсан айында компания тағы $22,5 млрд көлемінде қаржы құюды жоспарлап отыр. Бұдан бөлек, SoftBank Ampere атты чип өндіруші стартапты $6,5 млрд-қа сатып алуды көздеп отыр, делінген есепте.
Акциялар өсімі және сплит туралы шешім
2025 жылдың басынан бері SoftBank акцияларының құны 147% өсті. Компания 30 желтоқсанда 4:1 қатынасында акция сплитін өткізетінін мәлімдеді.
