Бүгін инвесторлардың басты назары қазан айына арналған өндірістік сектордағы бизнес белсенділігінің статистикасына аударылады. S&P Global осы айға қатысты PMI соңғы бағалауын жариялайды. Сол сияқты ISM Manufacturing индексі де шығады (консенсус: 49,6 тармақ, алдынғы мән: 49,1). 50 тармақтан төмен көрсеткіш белсенділіктің төмендеп келе жатқанын білдіреді, алайда мәндердің шекке жақындауы нарыққа оң сигнал береді. Құрылыстық шығыстарға қатысты деректер (Construction Spending) жалғасып жатқан шатдаунға байланысты жарияланбайды.

Аталмыш демалыс күндері АҚШ пен Қытай арасындағы сауда келісімі жарияланды. Оған сәйкес Пекин сирек металдардың экспортын бақылауды уақытша тоқтатады, ал Ақ үй кейбір баж салықтарын енгізуді кейінге қалдырады. Бұл келісімдер жаһандық экономика үшін негізгі тәуекелдердің бірі саналатын сыртқы саяси шиеленісті айтарлықтай төмендетеді.

Қараша басталғанға дейін S&P 500 индексіне кіретін компаниялардың 60%-тан астамы тоқсандық нәтижелерін жариялады. FactSet дерегінше соңғы аптада осы эмитенттердің үшінші тоқсанға арналған пайда өсіміне болжам 9%-дан 10,4%-ға көтерілді.

3 қарашада негізгі сессия ашылар алдында қаржылық нәтижелерін: Cipher Mining (CIFR), ON Semiconductor (ON), Ares Management (ARES), IDEXX Laboratories (IDXX), Public Service Enterprise Group (PEG) және Bruker Corporation (BRKR) жариялайды. Сауда аяқталған соң есеп беретіндер: Palantir (PLTR), Hims & Hers Health (HIMS), Navitas Semiconductor Corporation (NVTS), Vertex Pharmaceuticals Incorporated (VRTX), The Williams Companies (WMB) және Realty Income (O).

АҚШ индекстерінің фьючерстері бейтарап динамика көрсетуде. Орташа құбылмалылық жағдайда тәуекел балансы бейтарап деп бағаланады. S&P 500 индексінің алдағы қозғалысын 6800–6880 пункт аралығында (алдыңғы сессия жабылу деңгейінен −0,6%-дан +0,6%-ға дейін) күтеміз.

Назарда

— Berkshire Hathaway (BRK.B) үшінші тоқсандағы операциялық табысын жылына 34% өсіріп, $13,485 млрд-қа жеткізді. Бұл негізінен сақтандыру андеррайтингі кірістерінің 200%-ға өсуімен байланысты. Компания акцияларды қайта сатып алуды жалғастырудан бас тартып, ақша резервін жаңа рекордқа — $381,6 млрд-қа жеткізді. Премаркетте BRK.B акциялары қалыпты оң динамикада.

— ExxonMobil (XOM) бас директоры Даррен Вудс ЕО-ның тұрақты даму саласындағы жаңа заңдары компанияны Еуропадағы қызметін тоқтатуға мәжбүр етуі мүмкін екенін ескертті.

— Nexperia Қытайдағы кәсіпорындарға ана компаниясының Нидерландыдан жеткізілімін тоқтату жағдайында жеткілікті қор барын және әрекет жоспарын дайындағанын хабарлады.

— ОПЕК+ әлемдік экономика перспективасы тұрақты болғандықтан, желтоқсанда мұнай өндірісінің квотасын тәулігіне 137 000 баррельге арттырады. Сонымен қатар, АҚШ-тың ресейлік мұнай компанияларына салған жаңа санкциялары жаһандық мұнай бағасына оң әсер етеді.

Алдыңғы күнгі сауда нарығы

31 қазанда АҚШ қор нарықтары саудасын өсіммен аяқтады. S&P 500 0,26%-ға, Nasdaq 100 0,48%-ға, Dow Jones 0,09%-ға, Russell 2000 0,54%-ға көтерілді.

Негізгі оң драйверге корпоративтік есептер негіз болды. Amazon (AMZN: +9,58%) үшінші тоқсан нәтижелері күшті болып, «Ғажайып жетілік» ішінде Tesla (TSLA: +3,74%) қатарынан жетекші орынға шықты. Қалған бес ірі технологиялық компания теріс динамикада саудаланды.

Кең нарықта тұтынушылық тауарлар секторы (XLY: +2,64%) айқын оң көрсеткіш көрсетті, бұл Amazon акцияларының раллиімен байланысты. Ал коммуналдық қызметтер секторы (XLU: −0,69%) артта қалды.

Чикаго PMI индексы қазан айында 43,8 тармаққа көтерілді (консенсус: 42,5), бірақ 50 тармақтан төмен болып, өңірлік өндірістік сектордағы белсенділіктің төмендеп келе жатқанын көрсетеді.

ФРЖ өкілдерінің пікірлері негізінен «қырағы» сипатта болды, бұл акция сатып алушыларын тежеуде. Мысалы, Даллас ФРБ басшысы Лори Логан желтоқсандық отырыста мөлшерлемені төмендетуге қажеттілік көрмейтінін айтты, ал Канзас-Сити ФРБ президенті Джеффри Шмид ДКП бойынша алдынғы шешімге келіспейтінін, экономиканың тұрақтылығы мен инфляциялық қысыммен байланысты екенін түсіндірді.

Компания жаңалықтары

— Illumina (ILMN: +24,9%) үшінші тоқсан нәтижелерін жариялаған соң 24,9%-ға көтерілді. Компания сату мен пайданы күткеннен асып, жылдық кіріс пен табыстылық өсім бойынша нұсқаулықты арттырды.

— Rocket Cos. (RKT: +4,5%) төртінші тоқсанға арналған табыс болжамы орта нарықтық күтуден айтарлықтай жоғары болды. Осы жағдай инвесторларды үшінші тоқсан нәтижесінің аралас болуына қарамастан позитивке итерді.

— Coinbase (COIN: +4,7%) соңғы есеп кезеңінде табыс, EBITDA және пайданы асырып шықты. Акцияға қосымша қолдау $1 млрд-дан $2 млрд-ға дейінгі акцияларды қайта сатып алу бағдарламасының ұлғаюынан келді.

— Hims & Hers Health (HIMS: +3,2%) JPMorgan-ның 8,1% пакетін сатып алғаны туралы жаңалықпен көтерілді.

— MicroStrategy (MSTR: +5,9%) биткоин сатып алу стратегиясын растап, жаңа кредиттік құралдарды іске қосты.

— AbbVie (ABBV: −4,5%) тоқсандық табыс пен пайданы болжамнан асырып шықты, бірақ Humira дәрісінің сатылымының төмендеуі және эстетикалық медицина сегментіндегі әлсіз нәтижелер инвесторларды алаңдатты.

#Freedom Holding