Уолл-стрит жазда шағын компаниялар акциялары өседі деген үмітте: Freedom таңдауы
«Шағын капитализация жазы?» тақырыбындағы инвестициялық жазбасында Roth Capital Partners компаниясының бас техникалық стратегi Дж. К. О’Хара жаз айларына болжамын білдірді.
Russell 2000 индексі, яғни АҚШ-та тіркелген шағын компаниялардың көрсеткіші, 2025 жылдың алғашқы бес айында 7,4 пайызға төмендеді. Алайда маусым айында 3 пайызға өсті. Салыстыру үшін айтсақ, S&P 500 индексі қаңтар мен мамыр аралығында небәрі 0,5 пайызға өссе, маусымда 1,5 пайыз қосылды.
Осындай бес тарихи жағдайда да шағын компаниялардың акциялары маусым айында күрт өскен. Бұл туралы Evercore ISI аға директоры Джулиан Эмануэль мәлімдеді. Басқа сарапшылар да бұл пікірмен келіседі. BTIG нарығының бас техникалық сарапшысы Джонатан Кринскидің айтуынша, Russell индексінің соңғы көтерілуі дәл осындай «шағын капитализация жазының» бастамасы болуы мүмкін.
CNBC порталына берген сұхбатында О’Хара былай деді: «Russell 2000 бірнеше апта бұрын жинақтау үлгісін көрсете бастады. Маусымның алғашқы аптасында оның бағасы шектеуден өтті. Мұндай өзгерістер тарихи тұрғыда болашақта өсу әлеуетіне жол ашады».
Freedom Finance Global Oninvest сұрауы бойынша, жазғы ралли қарсаңында жоғары өсім көрсетуі мүмкін бес small-cap компанияны атады.
GoHealth. Компания Medicare Advantage (MA) сегментінде маркетплейс және сақтандыру брокері қызметін ұсынады. Freedom Finance сарапшылары бұл акцияларға 24 $ мақсатты баға белгілеген. Бұл 23 маусымдағы жабылу бағасымен салыстырғанда 345 пайызға жоғары.
Өсу факторлары: 2028 жылға қарай Medicare жүйесіндегі жеке сақтандыру үлесі 54 пайыздан 61 пайызға дейін өсуі мүмкін. Агенттік комиссиялар тұрақты түрде артып келеді. Бұған қоса, сақтандыру қатысушылары жоспарларын жиі өзгертеді, бұл GoHealth қызметтеріне сұранысты арттырады.
Тәуекелдер: Churn Rate көрсеткішінің (тұтынушылардың кетуі) өзгеруіне байланысты кіріс көлемі төмендеуі мүмкін. Сондай-ақ саяси және нормативтік өзгерістер әсер етуі ықтимал. Негізгі бәсекелестер — eHealth және SelectQuote.
Achieve Life Sciences. Биотехнологиялық компанияның акциялары Freedom Finance болжамы бойынша 12 долларға дейін өседі. Бұл — 212,5 пайыздық өсім. Компания никотинге тәуелділікке қарсы цитизиниклин дәрісін FDA-дан тіркетуді жоспарлап отыр. Препараттың тиімділігі мен қауіпсіздігі жөнінен бәсекелестерінен асып түседі. Сондай-ақ вейпке тәуелділікке қарсы да сынақтар жүргізілуде.
Өсу факторлары: АҚШ-та 46 миллион шылым шегушінің 55 пайызы соңғы жылы темекіні тастай алмаған. Цитизиниклин клиникалық сынақтарда жақсы нәтиже көрсетті. Freedom талдаушыларының пікірінше, компанияны жұтып алу үшін де тартымды нысан.
Тәуекелдер: Препаратты ұзақ мерзім қолдануға қатысты зерттеулер қажет. Бәсекелестік жоғары. Коммерцияландыру үшін қосымша ресурс керек.
Riley Exploration Permian. Компания АҚШ-тағы Пермь бассейнінде мұнай-газ өндірумен айналысады. Freedom бұл акцияларға 55 $ баға белгілеп, 104 пайыздық өсу әлеуетін атап өтеді. Мамыр айында компания Нью-Мексикодағы игерілмеген актив — Silverback Exploration-ды сатып алды.
Өсу факторлары: Газ генерациясы арқылы шығындар төмендеп, рентабельдік артады. 2025–2026 жылдары сұйытылған газ экспортын арттыру ішкі бағаға қолдау көрсетіп, компания табысына оң әсер етеді.
Тәуекелдер: Дональд Трамптың импорттық тарифтері жаһандық экономикалық өсімді баяулатуы мүмкін. Бұл мұнай мен газға деген сұранысты төмендетеді. Сонымен қатар, ОПЕК+ елдерінің өндірісті ұлғайтуы бағаға қысым түсіреді.
Perfect Corp. Компания жасанды интеллект пен кеңейтілген шындық негізінде косметика мен сән индустриясы үшін шешімдер әзірлейді. Қосымшалары арқылы пайдаланушылар косметика таңдай алады, теріні диагностикалайды немесе көзілдірікті «киіп көреді». Мақсатты баға — 4 $, бұл қазіргі бағадан 93 пайыз жоғары.
Өсу факторлары: Компания топ-20 косметикалық холдингпен серіктестігін кеңейте алады. Сондай-ақ тері күтімі, сән және зергерлік бұйымдар нарығына ЖИ шешімдерімен енуі мүмкін. YouCam қосымшасындағы монетизация артқан. Wannaby платформасын сатып алғаннан кейін виртуалды киім мен аксессуар «өлшеу» функциясы кеңейтілді.
Тәуекелдер: Макроэкономикалық жағдайдың нашарлауы мен сұлулық индустриясындағы қиындықтар. Компания жасанды интеллекттегі жаңа ірі бәсекелестерден өз артықшылығын жоғалтуы мүмкін.
Freightos. Бұл компания халықаралық жүк тасымалына арналған брондау мен төлем платформасын ұсынады. Freedom бұл акцияларға 4 $ мақсатты баға беріп отыр. Бұл — 84,3 пайыздық өсу әлеуеті. Freightos әлемдік логистикадағы тиімсіздіктен пайда көруі мүмкін: бұл салада цифрландыру әлсіз, ал тасымал процесінде көптеген делдалдар бар.
Өсу факторлары: Глобалды жүк тасымалының цифрлануы, теңіз логистикасына шығуы және құрлықтық сегменттегі қатысуын кеңейтуі.
Тәуекелдер: Макроэкономикалық және геосаяси тұрақсыздық, сауда көлемі мен фрахт мөлшерлемелерінің төмендеуі.
