Криптокомпания акциясы биткоинның түзетілуімен параллель құлады: ұзаққа созыла ма?
Биткоинның түзетілуі және Ethereum, Ripple, Solana сияқты альткоиндардың арзандауы ФРЖ мөлшерлемесін төмендету аясында цифрлық активпен байланысты компаниялар акциясына әсер етті. Биржадағы жаңа ойыншы — Gemini қағазы, сондай-ақ Coinbase пен Strategy де дүйсенбі күні арзандады. Цифрлық активтерге қатысты компания қағазы мен криптовалюталар — жүйкесі әлсіз инвесторға арналмаған инвестиция, деп жазады Barron’s.
Егжей-тегжейлі
— CoinGecko дерегінше, сауда барысында биткоин шамамен 3% арзандап, $112 100 деңгейіне түсті. Ethereum шамамен 8% төмендеп, $4139-ға дейін түсті. Капитализациясы ең ірі криптовалюталардың бірі Ripple 5% төмендеп, $2,8-ға дейін түсті. Ал Solana 8,8% арзандап, $217 деңгейінде саудаланды. Бұл токен ETF-қорларға биткоин мен Ethereum секілді енгізілуі мүмкін.
— Дүйсенбі күнгі саудада ағайынды Кэмерон мен Тайлер Уинклвосс құрған және жақында IPO өткізген криптобиржа Gemini Space Station қағазы 3% құлдырап, $23,4-ға дейін түсті. Қазір Gemini қағазы IPO бағасынан (12 қыркүйектегі $28) шамамен 20% төмен саудаланып жатыр.
— Coinbase криптобиржасының қағазы 22 қыркүйекте 3,1% арзандап, $331,95-ға дейін түсті.
— Robinhood сауда алаңының акциясы (онда акция да, криптовалюта да саудаланады) 0,1% нығайып, $124,89 болды.
— Цифрлық инфрақұрылыммен айналысатын Galaxy Digital қағазы 2,5% нығайып, $33,7 болды.
— Биткоинды ең ірі көлемде ұстайтын жария компания Strategy акциясы 2,6% құлап, $336-ға дейін түсті.
Акциялар неге арзандап жатыр?
Криптовалютамен байланысты компания акциясы биткоиннан кейін түзетуге өтті, деп санайды Barron’s. Ал токен, шамасы, өткен аптадағы ФРЖ мөлшерлемесін төмендетуден кейін арзандап жатыр, деп түсіндірді Kaiko зерттеу бөлімінің басшысы Адам Морган Маккарти. «Мөлшерлеме төмендеген соң алыпсатарлық белсенділік күшейді, — деді ол. — Алыпсатарлық мәміле артық иықпен жасалды, сондықтан бағаның аз ғана төмендеуі жаппай жойылуға, ал бұл өз кезегінде домино әсеріне әкелді».
Жыл басынан бері биткоин бағасы әлі де плюсте (+20,5%) болғанымен, инвесторлар криптоброкер акциясы қазірдің өзінде ең жоғары бағамен саудаланып жатқанын ескеруге мәжбүр.
Compass Point сарапшысы Эд Энгелдің айтуынша, залалды Gemini қағазы аса бағаланған. Акция компания капитализациясының жылдық пайдаға қатынасы (Price-to-Sales ratio, P/S) бойынша 26 деңгейінде саудалануда — яғни инвесторлар компания биыл алуы мүмкін әрбір $1 табыс үшін $26 төлеп отыр. Бұл тікелей бәсекелестер арасындағы орташа деңгейден (3,2) де, жалпы саладағы көрсеткіштен (4) де әлдеқайда жоғары.
Coinbase акциясы жылдық пайдаға баға қатынасы (price-to-earnings ratio, P/E) бойынша шамамен 45 көрсеткіш құрайды, ал Robinhood-та бұл көрсеткіш 75. Ал Galaxy Digital болжам бойынша биыл да, 2026 жылы да залалды болып қала береді, деп жазады Barron’s. Сондықтан криптокомпания қағазы биткоин бағасына ілесе беріп, қатты құбылса, оған таңқалудың қажеті жоқ, деп түйіндейді басылым.
Қандай перспективалар бар?
«Криптовалюталар әлсіз жүйкелі адамдар үшін емес. Дәл сол сияқты, тағдыры цифрлық активтермен тығыз байланысты компания қағазы да оңай емес», — деп жазады Barron’s. Сонымен бірге басылым ұзақ мерзімді перспективада Вашингтондағы «қолайлырақ реттеуші және заңнамалық ортаға» байланысты цифрлық активке қатысты оптимизм сақталып отырғанын атап өтті.
Deutsche Bank сарапшыларының жазбасына сілтеме жасаған CoinDesk мәліметінше, биткоин ұзақ уақыт бойы оған резервтік актив мәртебесіне таласуға кедергі болған құбылмалылықтан арылып келеді. Тамызда 30 күндік құбылмалылық тарихи минимум деңгейіне түсті, бірақ соған қарамастан криптовалюта бағасы $123 500-дан асты. Бұл биткоин спекулятивті өткенінен алшақтап, он жыл ішінде алтынмен қатар мойындалған резервтік активке айналуы мүмкін екенін көрсетеді, деп санайды банк.
Deutsche Bank стратегі Марион Лабур дүйсенбі күні жарияланған аналитикалық жазбасында биткоин бағасы 2025 жылдың соңына қарай $120 000-дан жоғары болатынын күтетіні айтты. Сарапшы биткоин мен алтын шектеулі ұсыныс пен басқа активпен төмен корреляциясының арқасында инфляциядан және геосаяси тәуекелден қорғанудың бірін-бірі толықтыратын құралы ретінде қатар жалғаса береді деп санайды.
