Криштиану Роналду әлемдегі алғашқы миллиардер футболшы атанды — Bloomberg

Португалия құрамасының шабуылшысы және Сауд Арабиясының «Аль-Наср» клубының ойыншысы Криштиану Роналдудың байлығы алғаш рет Bloomberg Billionaires Index тізімінде бағаланып, $1 млрд-тан асты.

Агенттіктің есебінше 40 жастағы Роналдудың дәулеті жаңа келісімшартқа қол қойғаннан кейін $1,4 млрд-қа жеткен. «Аль-Насрмен» келісімшарт құны $400 млн-нан астам деп бағаланады.

2002 жылдан 2023 жылға дейін Роналду жалақы түрінде $550 млн-нан астам табыс тапқан. Сондай-ақ ол Nike-пен он жылдық келісімшарт жасасқан — жылына шамамен $18 млн пайда әкеледі. Armani және Castrol секілді басқа брендтермен әріптестік оған тағы $175 млн қосқан.

«Аль-Насрға» ауысуы Роналдуға $200 млн салықсыз жалақы мен бонустар, сондай-ақ $30 млн көлемінде келісімшарттық бонус әкелді.

Роналду — Instagram желісіндегі ең танымал адам. Оның 665 млн-нан астам жазылушысы бар. 2025 жылы Forbes оны әлемдегі ең жоғары ақы төленетін спортшы деп таныды — жылдық табысы $275 млн деп бағаланған.

2024 жылы да Forbes оны ең көп табыс табатын футболшы деп атаған еді ($285 млн). Ал 2020 жылы Роналду мансап барысында табысы $1 млрд-тан асқан алғашқы спортшы атанған болатын.