Meta-ның акциялары құлдырауда: «Керемет жетілік» енді «Зұлым жетілікке» айналды ма

18 наурыздағы

сауда барысында Meta Platforms акциялары 4%-ға арзандап, жыл басынан бері теріс

динамика көрсетті. Бұған дейін Facebook пен Instagram иесі «Жетілік» арасында

жалғыз өсім көрсеткен компания болатын. Бағалы қағаздар технологиялық

сектордағы жалпы сатылым аясында және компанияның жасанды интеллект

инфрақұрылымына кететін жоғары шығындарына байланысты төмендеді, деп хабарлайды

Bloomberg.

Толығырақ

Meta Platforms (Facebook-тің бас компаниясы)

акциялары сейсенбі күні 3,7%-ға төмендеп, 582,4 долларға дейін арзандады.

Қаңтар айынан бері олар 0,5%-ға, ал 14 ақпандағы максимумнан 20%-дан астам құн

жоғалтты. Бұл әсіресе қызықты, себебі жылдың басында Meta акциялары тарихи

өсімді көрсетті – олар қатарынан 20 сауда сессиясында көтеріліп, рекорд

орнатты, деп жазады Bloomberg.

Акциялар

неліктен арзандады

Meta акцияларының

құлдырауына компанияның жасанды интеллектке ірі инвестициялары әсер етті деп

санайды KeyBanc Capital Markets сарапшысы Джастин Паттерсон. Ол Meta

акцияларының мақсатты бағасын 750 доллардан 710 долларға дейін төмендетіп, «макроэкономикалық

белгісіздік күшейіп келеді» деп түсіндірді.

«Біз бүгінгі

негізгі мәселе ретінде жасанды интеллектке салынған инвестициялар тұрақты

шығындарды арттырып жатқанын көріп отырмыз. Бұл, өз кезегінде, нарық құлдыраған

жағдайда компанияның шығындарды қысқарту мүмкіндігін шектейді», – деп жазды

Паттерсон Bloomberg-ке берген түсініктемесінде.

Ұқсас тәуекелдер «Жетілік» мүшесі

Alphabet компаниясында да байқалуда.

Акциялардың жағдайы не болмақ 

Соңғы 12 айда

Meta акциялары 17%-ға қымбаттады. MarketWatch мәліметтері бойынша компанияны

бақылайтын сарапшылардың 80%-дан астамы бұл акцияларды сатып алуды (Buy және

Overweight рейтингтері) ұсынады. Уолл-стриттің консенсус бағасы 762,5

долларды құрайды, бұл 18 наурыздағы жабылу бағасынан 31%-ға жоғары.

«Қатерлі» жетілік

«Жетілік» тобына кіретін Apple, Microsoft,

Nvidia, Amazon, Tesla, Alphabet және Meta компаниялары жасанды интеллект

бумасының басты бенефициарлары болып саналды. Алайда биыл Bloomberg Magnificent

7 Total Return индексі 16%-ға, ал желтоқсандағы ең жоғарғы көрсеткіштен 20%-дан

астамға төмендеді. Ең көп құлдыраған акциялар – Tesla (-44%), Alphabet пен

Apple (-15%), Nvidia (-22%). Сейсенбі күні бұл индекс тағы 2,5%-ға төмендеді.

Технологиялық компанияларға бағытталған Nasdaq 100 индексі

жыл басынан бері 7,3%-ға төмендеп, түзету аймағына енді. Қазір бұл индекс

өзінің ең жоғарғы көрсеткішінен 12%-дан астамға төмендеп тұр.

Өткен аптада Goldman Sachs АҚШ қор нарығының жетекші

стратегы Дэвид Костин S&P 500 индексінің мақсатты деңгейін 6500-ден 6200

пунктке дейін төмендетті. Ол «Жетіліктің» «Қатерлі жетілікке» айналуын 2025 жылы АҚШ нарығының

әлсіреуінің негізгі себептерінің бірі деп атады, деп жазады Yahoo Finance. Оның

айтуынша 11 наурыздағы жағдай бойынша, S&P 500 индексінің жартысынан астам

төмендеуі дәл осы жеті ірі технологиялық компаниялардың акцияларының

құлдырауына байланысты болған. Себебі олардың индекс құрамындағы салмағы 30%-ды

құрайды.

Соңғы екі жылда ең танымал инвестициялық стратегияның

күйреуі сарапшылардың корпоративтік кірістердің өсу қарқыны туралы болжамдарын

қайта қарастыруымен қатар жүріп жатыр. Инвесторлар экономиканың баяулауынан

және АҚШ президенті Дональд Трамптың сауда саясатының ықпалынан қауіптенуде.

Bloomberg атап өткендей, соңғы екі жылда технологиялық алпауыттардың акциялары

қарқынды өскендіктен, белгісіздік күшейген жағдайда оларды сату арқылы пайда

табу инвесторлар үшін тартымды нұсқаға айналды.