Нью-Йорктегі таң: инвесторлар шатдаунның тез арада аяқталуынан үмітті
Freedom Capital Markets Research директорының орынбасары Михаил Денисламов ұсынғанАҚШ қор нарығына күнделікті шолу мен болжам.
Бүгіннен не күтеміз
Бүгін инвесторлардың басты назарында федералдық үкіметтің жұмысының уақытша тоқтауына қатысты жағдайдың дамуы болмақ. Кеше Сенат шатдаунды тоқтату шарттары бойынша түпкілікті дауыс беруді осы дүйсенбіде өткізуге мүмкіндік беретін рәсімді мақұлдады. Демократиялық фракция бюджет қабылдау шартына денсаулық сақтау субсидияларын (ACA) дереу ұзартуды қоспауға келісті, есесіне республикашылдар бұл мәселені желтоқсанда дауысқа салуға кепілдік берді.
Polymarket-тің мәліметінше шатдаунның 15 қарашаға дейін аяқталу ықтималдығы шамамен 85%-ды құрайды, бұл өткен жұмадағы деңгейден 50%-ға жоғары. Мұндай жағдай саяси белгісіздікті айтарлықтай төмендетіп, қор нарығы үшін басты оң факторға айналды. Дегенмен, федералдық бюджет параметрлерін әлі де өкілдер палатасы бекітіп, президент мақұлдауы тиіс.
Қытайдың Сауда министрлігі АҚШ-қа әскери техника, жартылай өткізгіштер және басқа да жоғары технологиялық өнім өндірісінде қолданылатын бірқатар маңызды минералдардың экспортын бір жылға тоқтатқанын хабарлады. Бұған дейін жасалған сауда бітімінің бөлігі болып табылатын бұл шешім жаһандық жеткізу тізбегіне төнген тәуекелдерді азайтып, нарық қатысушыларының оптимистік көңіл күйін қолдады.
Сауда басталар алдында TeraWulf (WULF), Barrick Mining Corporation (B), Maplebear (CART), Bitdeer Technologies (BTDR), The Interpublic Group (IPG), monday.com (MNDY) және Pagaya Technologies (PGY) компаниялары тоқсандық есептерін жариялайды. Сауда сессиясы аяқталған соң Rigetti Computing (RGTI), CoreWeave (CRWV), AST SpaceMobile (ASTS), BigBear.ai (BBAI), Plug Power (PLUG) және Occidental Petroleum (OXY) өз нәтижелерін ұсынады.
АҚШ индекстерінің фьючерстері шатдаунның аяқталуы мүмкін деген жаңалықтар аясында оң динамика көрсетіп отыр. Тәуекел теңгерімін біз жоғары құбылмалылық жағдайында оң бағытта деп бағалаймыз. S&P 500 индексі 6700–6800 тармақ диапазонында ауытқиды деп болжануда (алдыңғы сессия жабылу деңгейінен -0,4%-дан +1,1%-ға дейін).
Назарда
— NVIDIA (NVDA) жоғары сұранысты қанағаттандыру үшін Blackwell сериясындағы чиптерге қосымша вафельдер жеткізу туралы TSMC (TSM) компаниясына өтініш жасады.
— Visa (V) мен Mastercard (MA) коммерциялық құрылымдармен келісімге келіп, комиссияларды төмендетуге жақын.
— Үндістандық Emcure Pharmaceuticals компаниясымен әріптестік туралы жаңалық Novo Nordisk (NVO) акцияларын қолдауы мүмкін. Бұл келісім дат фармацевтикалық алыбына Үндістандағы стратегиялық маңызды нарықта Poviztra атты арықтауға арналған танымал дәріні эксклюзивті тарату және сату құқығын береді.
— Capital One (COF) акцияларына федералдық соттың $425 млн көлеміндегі келісім ұсынысын қабылдамай тастауы қысым жасауы ықтимал. Бұл банк салымшыларына төмен пайыздық мөлшерлеме төлеу ісінде құқықтық белгісіздікті қайта күшейтіп, өтемақы көлемінің бастапқы сомадан әлдеқайда жоғары болуы қаупін арттырады.
— Немістің Northern Data жасанды интеллект компаниясын сатып алу туралы жаңалық Rumble (RUM) бейнеплатформасының акцияларында құбылмалылықты күшейтуі мүмкін. $767 млн көлеміндегі мәміле толықтай акциялар арқылы төленеді және бұл Rumble-дың бұлтты және AI технологияларына бетбұрысын білдіреді.
Алдыңғы күнгі сауда нарығы
7 қарашадағы сауда қорытындылары АҚШ биржаларында аралас динамика көрсетті. S&P 500 0,13%-ға өсті, NASDAQ 100 — 0,28%-ға төмендеді, Dow Jones — 0,16%-ға, ал Russell 2000 — 0,58%-ға көтерілді. Күннің екінші жартысында нарық бюджет келіссөздері туралы жаңалықтардан кейін қайта жанданды.
Демократтардың шатдаунды тоқтату туралы ұсынысы Республикашыл партия (GOP) тарапынан қабылданбағанына қарамастан, Сенаттың демалыс күндері де келісім іздеуді жалғастыру жоспары инвесторлардың оптимизмін сақтап қалды. Айта кетерлігі, S&P 500 (RSP) капитализация бойынша өлшенген нұсқадан 0,84 пайыздық тармаққа озып, megacaps шегінен тыс өсу ауқымының кеңейгенін көрсетті.
«Ғажайып жетілік» акцияларының қозғалысы біркелкі болмады. Tesla (TSLA: -3,68%) акциялары акционерлердің Илон Масктың сыйақы пакетін мақұлдағаны туралы жаңалықтардан кейін төмендеді. Amazon (AMZN: +0,56%) өсім көрсетті. Күннің үздігі — тұтыну тауарлары секторы (XLP: +1,47%), ал ең әлсізі — технологиялық сектор (XLK: -0,35%) болды.
Күннің басты макроэкономикалық жаңалығы — Мичиган университетінің қараша айындағы тұтынушылық көңіл-күй индексінің алдын ала деректері болды. Көрсеткіш 53 пункттік консенсусқа қарсы 50,6 пунктті құрады. Мұндай ауытқу шатдаунға қатысты алаңдаушылықтармен байланысты. Бұл АҚШ экономикасының негізгі қозғаушы күші — тұтынушылық сұраныстың тұрақтылығына қатысты белгісіздік туғызады. Сонымен қатар, бір жылдық инфляциялық күтулер 4,7%-ға дейін өсті, ал бес жылдық көрсеткіштер 3,6%-ға дейін төмендеді.
ФРЖ өкілдерінің түсініктемелері де инвесторлардың көңіл-күйіне әсер етті. Олар жалпы сақтық ұстанымын жалғастыруда. ФРЖ төраға орынбасары Филип Джефферсон макродеректердің шектеулі болуына байланысты ақша-несие саясатын біртіндеп түзетуді қолдады. Ал Нью-Йорк ФРБ басшысы Джон Уильямс балансты кеңейтуді қайта бастау мүмкін екенін айтып, жұмсақ саясатты қолдайтынын меңзеді.
Компания жаңалықтары
— Expedia Group (EXPE: +17,6%) акциялары үшінші тоқсан нәтижелерінің күткеннен жақсы шығуы арқасында күрт өсті. Инвесторлар B2B және B2C сегменттеріндегі табыс өсімінің жеделдеуі, АҚШ нарығындағы үлестің артуы және 2026 жылғы рентабельдік болжамының жоғарылауы туралы жаңалықтарға оң реакция білдірді.
— Monster Beverage (MNST: +5,2%) тоқсандық есепте сату мен пайда көрсеткіштері болжамнан асып түсті. Қазан айындағы күшті сатылымдар мен АҚШ-та алдағы баға өсімі туралы менеджмент мәлімдемесі де оптимизм тудырды.
— Constellation Energy (CEG: +2%) үшінші тоқсанда түзетілген табыс болжамнан аз болғанымен, жылдық болжамның тарылуы нарықта тұрақтылық белгісі ретінде қабылданды.
— Take-Two Interactive (TTWO: -8,1%) акциялары екінші қаржы тоқсанының нәтижелері күтуден жоғары шыққанына қарамастан, айтарлықтай төмендеді. Себебі көптен күткен Grand Theft Auto VI ойынының шығу күні 2026 жылғы қарашаға шегерілетіні хабарланды.
— Block (XYZ: -7,7%) негізгі қаржылық көрсеткіштері бойынша күткеннен жақсы нәтиже көрсетсе де, акциялары арзандады. Инвесторлар жалпы төлем айналымы мен жалпы пайда арасындағы айырмашылықтың қысқаруына назар аударды. Бұл түзету сондай-ақ релиз алдындағы табыс фиксациясымен байланысты.
— Microchip Technology (MCHP: -5,2%) акцияларына ағымдағы тоқсан бойынша сақ болжам қысым жасады. Дегенмен, маусымдық әлсіз нәтижелер мен кей клиенттердің тапсырыстарды кейінге қалдыруына қарамастан, компания басшылығы оң факторларды атап өтті — тапсырыс көлемі 10%-ға артты және қорлар деңгейі қалыпқа келе бастады. Бұл 2026 жылы күшті нәтижелерге негіз қалайды.
