Netflix аудиториясының өсімі баяулай бастауы мүмкін

Netflix

видеостриминг сервисінің жазылушылар санының жедел өсуі таяуда баяулауы мүмкін,

өйткені құпиясөздерді ортақ пайдалануға қарсы күрестің әсері әлсіреп келеді,

деп ескертті MoffettNathanson сараптама компаниясы. Ал жазылушылар санының

артуы – Netflix акцияларының құнын 2024 жылы 60%-ға көтерген негізгі

факторлардың бірі еді. Компания аудиториясын кеңейтудің басқа да жолдарын

қарастырып жатыр, бірақ олардың әлеуеті шектеулі.

Толығырақ

Соңғы екі жылдағы

Netflix жазылушыларының негізгі өсімі басқа біреудің аккаунтын пайдаланған

адамдардың өз жеке жазбаларын тіркеуі есебінен болды. Бұл үрдіс компанияның

ортақ құпиясөзді қолдануға қарсы күрес бастауынан кейін орын алды, деп

мәлімдеді, деп жазады MoffettNathanson MarketWatch-қа сілтеме жасап. Яғни,

Netflix жаңа көрермендерді емес, бұрыннан бар пайдаланушыларды төлеуге

мәжбүрлеу арқылы табысын арттырды.

«Бұл Netflix-тің

жаһандық жазылушылар санының жоғары қарқыны абоненттік базаның кеңеюін

білдірмейтінін көрсетеді. Керісінше, бұл компанияның өз аудиториясын табысты

түрде монетизациялауымен байланысты», – деп атап өтті сарапшылар.

Алайда

құпиясөздерді ортақ пайдалануға қарсы күрестен туындаған өсім қазірдің өзінде

баяулап келеді. Бұл үрдіс қанша уақытқа жалғасатыны белгісіз.

«Netflix алдағы

бірнеше тоқсанда контенті мен жарнамасы бар жаңа арзан тарифінің есебінен

жазылушылар санының айтарлықтай өсімін көрсете беруі мүмкін. Алайда, ортақ құпиясөз

қолдануға қарсы күрестің әсері біртіндеп бәсеңдейді деп күтеміз.», – дейді

сарапшылар.

Инвесторлар

үшін маңызы

Netflix акциялары

2024 жылы 60%-ға қымбаттады. Бұл өсім, негізінен, жазылушылар санының артуымен

байланысты болды, өйткені олар стриминг сервисінің табысын ұлғайтты.

2023 жылғы

мамырда құпиясөздерді ортақ пайдалануға қарсы шаралар қолға алынғаннан бері

Netflix жазылушыларының саны 27%-ға өсіп, 238 миллионнан 301 миллионға жетті.

MoffettNathanson

2024 жылдың екінші жартысындағы деректерді талдай отырып, бір қызық тенденцияны

анықтады: жазылушылар саны 11%-ға артқанымен, олардың белсенділігі, яғни

күнделікті көру уақыты 6%-ға төмендеді. Бұл аудиторияның шын мәнінде кеңейгенін

емес, бұрын ортақ аккаунт пайдаланған адамдардың жеке жазылымға ауысқанын

көрсетеді.

Netflix 2025

жылдан бастап жазылушылар санын ашық жариялауды тоқтатады. Компания

инвесторлардың назары табыс пен басқа да қаржылық көрсеткіштерге көбірек

ауғанын қалайды.

Акциялар

бағасы қандай өзгеріске ұшырады?

Netflix акциялары

6 наурызда 8,5%-ға арзандап, $906,4 деңгейіне түсті. Бұл – 21 қаңтардан бергі

ең төменгі көрсеткіш. Қазіргі бағасы 14 ақпандағы тарихи максимумнан 14%-ға

төмен.

2025 жылдың

басынан бері Netflix акциялары 1,7%-ға, ал соңғы 12 айда 49%-ға қымбаттады.

MarketWatch

мәліметінше Netflix-тің акцияларын бақылап отырған 54 сарапшының 37-сі оларды

сатып алуды (Buy және Overweight рейтингтері), 15-і ұстауды (Hold), ал 2-еуі

сатуды (Underweight) ұсынады. Уолл-стриттің ортақ болжамы бойынша, Netflix

акцияларының мақсатты бағасы – $1081,4, бұл қазіргі нарықтық бағадан 19%-ға

жоғары.