S&P 500 мамырдан бергі ең жоғары өсімді көрсетті, Dow биыл алғаш рекорд жаңартты

АҚШ-тың негізгі индексі S&P 500 1,5%-ға өсіп, мамырдан бергі ең үздік күндік көрсеткішті тіркеді. Ал blue chips индексі Dow Jones биыл алғаш рет жабылу кезінде рекорд жаңартты. Шағын капитализациялы компаниялардың акциялары 4%-ға қымбаттады. Дәл осылай биткоин де 4%-ға көтерілді, ал Ethereum бірден 10%-ға өсті. Апта бойы көңілсіз болған нарықтарға оң серпін берген – АҚШ Федералдық резерв жүйесінің төрағасы Джером Пауэлл: пайыздық мөлшерлемені төмендету ықтималдығы туралы жай ғана ишарасының өзі раллиге жеткілікті болды.

Егжей-тегжейі

— S&P 500 жұма, 22 тамыздағы сауда қорытындысында 1,52%-ға өсіп, 6466,91 тармаққа жетті. Bloomberg дерегінше, бұл — мамырдан бергі ең үлкен біркүндік өсім. Дегенмен, индекс жабылу және барлық уақыттағы рекорд деңгейлерінен әлі төмен.

— Dow Jones Industrial Average 1,89%-ға немесе 846 пунктке көтерілді. Индекс 45 631,74 тармақпен сауданы жапты. Бұл — 2024 жылғы желтоқсаннан бергі алғашқы жабылу рекорды. Биыл бірнеше рет күн ішінде жаңа максимумдарға жеткенімен, алғаш рет жабылуда рекорд орнатты.

— Nasdaq Composite, құрамында технологиялық компаниялардың үлесі басым индекс, бір күнде 1,88%-ға көтерілді. Бұған технологиялық акциялардың раллиі ықпал етті.

—  Russell 2000 шағын капитализациялы компаниялары бірден 3,86%-ға өсті. Мұндай компаниялар қарыз капиталға көбірек тәуелді болғандықтан, пайыздық мөлшерлеменің төмендеуі олар үшін аса тиімді.

Уолл-стриттің «қорқыныш индексі» VIX керісінше 14%-ға (екі тармаққа) төмендеп, қазір 14,22 деңгейінде тұр.

Криптовалюталар да қымбаттады. Биткоин шамамен 4%-ға көтерілсе, Ethereum бірден 14%-ға өсті, деп хабарлайды CoinGecko. Қазір Ethereum тарихи рекордтан небәрі бірнеше ондаған доллар қашықтықта.

Жаңалық толықтырылады...