Таңғы жаңалықтар: Уолл-Стриттегі «тыныш дауыл», Tesla құлдырауда
S&P 500 индексінің тағы бір төмендеуі, доллардың әлсіреуі және алтын бағасының жаңа рекордтарға жетуі әсерінен Уолл-стритті күтпеген апатия жайлады. Tesla акциялары тоқсандық есеп жариялаудың алдында 6%-ға жуық төмендеді. Жапондық Nomura австралиялық Macquarie компаниясының Солтүстік Америка мен Еуропадағы қоғамдық инвестициялар бизнесін $1,8 млрд-қа сатып алатынын мәлімдеді. Осы және өзге де тақырыптар туралы 22 сәуірдегі әлемдік БАҚ шолуымыздан оқыңыз.
Tesla акциялары брендтің «құнсыздануы» туралы алаңдаушылықтардан төмендеді
Акциялар дүйсенбіде 6%-ке төмендеп, компанияның қаржылық есебін жариялауға бір к.н қалғанда бағасы $227,5-ті құрады. Бұл көрсеткіш тек 8 сәуірде тіркелген жылдық минимумнан $6 ғана жоғары. Жыл басынан бері компанияның акциялары 44%-ке арзандады. Tesla 2022 жылдан бері ең нашар тоқсанын өткізді, ал акциялар 2025 жылы 12-ші рет бір күнде 5%-ке түсіп отыр.
Инвесторлар Илон Масктың Tesla-дан алшақтап кеткеніне алаңдаулы, оның ішінде Дональд Трамптың әкімшілігінде атқарған жұмысы және көптен бері жарияланған роботакси мен автономды жүргізуші технологияларына қатысты ешқандай ілгерілеу болмауы да бар.
Инвесторларға арналған форумда алдын ала Tesla 300-ден астам сұрақ жинап алды, олардың көпшілігі автопилотқа, Optimus адам тәрізді роботы мен Маскқа қатысты болды. Бір инвестор: «Компанияның брендіне Масктың саяси әрекеттері әсерінен болған зиянды азайту үшін кеңес қандай шаралар қабылдады?» деп сұрады.
LSEG мәліметтері бойынша Tesla 2023 жылдың бірінші тоқсанында $21,24 миллиард кіріс туралы хабарлайды деп күтілуде, бұл өткен жылмен салыстырғанда аз. Акцияға шаққандағы пайда $0,4 деңгейінде болады деп болжануда. Инвесторлар Трамптың әкімшілігі енгізген баж салықтарының қаржылық нәтижелерге әсері туралы компанияның пікірлерін аса назармен бақылап отыр.
Oppenheimer компаниясының сарапшылары дүйсенбіде жариялаған есепте Tesla-ның АҚШ пен Еуропадағы «брендтің құнсыздануы» сату көлемдеріне кері әсерін тигізіп жатқанын, бірақ «ұлтшық көңіл-күйге байланысты Қытайдағы сұраныстың әлсіреуі және Трамптың баж салықтарының маржаға әсері үлкен мәселе болуы мүмкін» деп жазды. Олар қытайлық тұтынушылар ішкі брендтерге ауысуы мүмкін екенін айтты, бұл Tesla-ны Қытайда өндірілген көліктерді төмен бағамен экспорттауға мәжбүр етеді.
Жапондық Nomura АҚШ пен Еуропада Macquarie-дің мемлекеттік инвестициялар саласындағы бизнесін сатып алды
Жапондық инвестициялық-банк және брокерлік компания Nomura австралиялық инвестициялық банк Macquarie-дің АҚШ пен Еуропадағы мемлекеттік инвестициялар саласындағы бизнесін $1,8 миллиардқа сатып алу туралы жариялады, деп хабарлайды CNBC. Бұл мәміле толық ақшалай төленіп, барлық қажетті реттеуші келісімдер алынғаннан кейін осы жылдың соңына дейін аяқталады деп күтілуде.
Nomura өздерінің активтерді басқару жөніндегі жаһандық бағытты өсудің негізгі стратегиялық бағыты ретінде анықтағанын айтты. Мәміле аяқталғаннан кейін Nomura инвестициялық бөлімшесінің басқаруындағы активтер көлемі $590 миллиардтан $770 миллиардқа дейін артады.
Macquarie, өз кезегінде, Австралиядағы мемлекеттік инвестициялар саласындағы бизнесін сақтап, институционалдық клиенттер, мемлекеттік құрылымдар және жеке инвесторлармен жұмыс істеуді жалғастырады.
Мәміле аясында Macquarie мен Nomura өнімдер жасау және оларды тарату бойынша бірлесіп жұмыс істеуге келісті. Атап айтқанда, Nomura Macquarie өнімдерін АҚШ нарығында тарату серіктесі болады, бұл американдық клиенттерге Macquarie-дің баламалы инвестициялық стратегияларына қолжетімділікті сақтауға мүмкіндік береді.
Nomura сонымен қатар АҚШ-тағы ауқатты клиенттерге бағытталған бірнеше баламалы қорлар үшін бастапқы капитал бөлуге міндеттеме алды, деп хабарлады екі компанияның бірлескен мәлімдемесінде.
Nomura бұл мәміленің қаржылық көрсеткіштерге «минималды» әсер ететінін атап өтті және мәміле жабылғанға дейін екі компания өз алдына дербес жұмыс істей береді.
АҚШ-та қор нарығы Трамптың ФРЖ басшысын сынауынан кейін құлдырады
АҚШ қор нарығындағы акциялар дүйсенбі күні қайта құлдырады. Бұған президент Дональд Трамптың Федералдық резерв жүйесінің төрағасы Джером Пауэллге қатысты сынның күшеюі себеп болды. Ол ФРЖ-ның тәуелсіздігіне күмән келтіріп, сонымен қатар трейдерлер жаһандық сауда келіссөздерінде ілгерілеу белгілерін байқамады, деп жазады CNBC.
Dow Jones өнеркәсіптік индексі 971,82 пунктке немесе 2,48%-ға төмендеп, 38 170,41 деңгейінде жабылды. S&P 500 индексі 2,36%-ға түсіп, 5 158,20 болды, ал Nasdaq Composite 2,55%-ға төмендеп, 15 870,90 көрсеткішіне жетті.
Индекстердің құлдырауына «Керемет жетілікке» кіретін технологиялық алпауыт компаниялардың акциялары негізгі себеп болды: Tesla акциялары 5,8%-ға, Nvidia — 4%-дан астам төмендеді. Amazon мен Meta Platforms 3%-ға арзандады. Caterpillar техника өндіруші компаниясының бағалы қағаздары 2,8%-ға төмендеді.
Truth Social желісінде жариялаған жазбасында Трамп егер Пауэлл — «Өте Кеш қимылдайтын мырза, нағыз жолы болмағыш» — пайыздық мөлшерлемені дереу төмендетпесе экономика баяулайды деп мәлімдеді. Бұл жазбадан бұрынғы постта Трамп мөлшерлемені төмендетуге шақырып, Пауэллді «қызметінен босату» туралы да ишара білдірген еді. Кейінірек бұл нұсқаны Ақ үйдің экономикалық кеңесшісі Кевин Хассетт растады — әкімшілік бұл мүмкіндікті қарастырып жатыр.
Осының салдарынан доллар үш жыл ішіндегі ең төменгі деңгейге түсіп, қысымға ұшырады. Ал алтын бағасы жаңа рекорд орнатып, бір унция үшін $3400-ден асты.
«ФРЖ мен әкімшілік арасындағы шиеленістің күшеюі — басты белгі», — дейді Simplify Asset Management бас стратегы Майкл Грин. — «Бұл — COVID кезіндегі жағдайдың қайталануы іспеттес. Белгісіздік саудаға едәуір әсер етті... Нарықтағы көптеген қатысушылар түптің түбінде жаңа ынталандыру шарасы енгізіледі деп күтуде, ол кедендік баждардың әсерін азайтуы мүмкін».
Уолл-стрит тыныш «дауылды» бастан өткеруде
S&P 500 индексінің кезекті төмендеуі, доллардың әлсіреуі және алтын бағасының жаңа рекордтарға жетуі аясында Уолл-стритті күтпеген апатия жайлады, деп жазады Bloomberg. «Бұл менің есімде қалған ең тыныш және байсалды 4%-дық құлдырау күні, — деді 30 жылдық тәжірибесі бар нарық ардагері Дэйв Лутц. — Акциялар мен опциондар бойынша сауда көлемі — нөлге тең».
Айдың басындағы жағдайдан айырмашылығы бар: мысалы, 3 және 4 сәуір күндері Дональд Трамптың ауқымды кедендік баж салыөтарын жариялауынан кейін S&P 500 индексі 10%-дан астамға құлдыраған, ал бір аптадан соң бұл шаралардың уақытша тоқтатылуынан кейін индекс 9,5%-ға көтерілген болатын. Бұл жолы инвесторлар мен активтерді басқарушылар арасында дерлік тыныштық орнаған, тіпті абдырау бар сияқты, деп атап өтеді агенттік. Бұған не болып жатқанын анық түсіну мүмкін еместігі және жағдайды түйсікпен ғана болжауға мәжбүр болу себеп.
«Қазір бәрі экономиканың жағдайына байланысты, бірақ не болатынын немесе болуы мүмкін екенін ешкім түсінбейді, — дейді Hirtle Callaghan инвестициялық директоры Брэд Конгер. — Біз өткір сынықтар төселген қараңғы бөлмеде тұрғандаймыз: ең жақсысы — қозғалмау және жарық қайта жанады деген үмітте болу».
2025 жылдың сәуірі тарихқа 2008 жылдың қазанымен және 2020 жылдың наурызымен қатар ең тұрақсыз кезеңдердің бірі ретінде енуі мүмкін. Бірақ ол уақыттарда себептер жаһандық қаржы дағдарысы немесе пандемия болса, қазір нарықтарда алаңдатарлық тыныштық орнаған — ең болмағанда трейдерлердің санасында, егер бағаларда болмаса.
S&P 500 аптасына орта есеппен 2%-ға төмен немесе жоғары қозғалып отыр — бұл соңғы жылдардағы орташа көрсеткіштен екі есе жиі. Ал VIX құбылмалылық индексі 35 деңгейінде тұр — бұл әдетте нарықтағы жоғары алаңдаушылықты білдіреді.
Соған қарамастан, сауда көлемі сәуірдегі орташа деңгейден едәуір төмен — күніне шамамен 13,5 млрд акция, ал айдың басында бұл көрсеткіш 20 млрд-тан асқан еді. «Біздің трейдинг-дескте ӨТЕ ТЫНЫШ, — деп жазды дүйсенбі күні JPMorgan Chase-тің жаһандық тәуекелдік сауда бөлімінің жетекшісі Элан Люгер».
