Қараша айында 100%-дық өсім әлеуетіне ие стратегиялар мен small-cap акциялар
Нарықта қазір «Алтыншаш сценарийі» («Алтыншаш сценарийі») деп аталатын ерекше жағдай қалыптасып келеді. Яғни экономика өсіп жатыр, бірақ шамадан тыс қызып кеткен жоқ; инфляция біртіндеп тұрақталып келеді; ал АҚШ Федералдық резерв жүйесінің жұмсақ ақша-несие саясаты еңбек нарығына қолдау көрсетіп отыр. Freedom Finance Global талдау департаментінің директоры Вадим Меркуловтың айтуынша осындай теңгерімді орта қор нарығының өсуіне қолайлы жағдай туғызуда. Сарапшы инвесторларға екі қарапайым, бірақ тиімді стратегияны ұсынады.
Бірінші стратегия: Пайыздық мөлшерлеме төмендеген кезеңдегі дивидендтік табыс
Соңғы уақытта дивидендтік акциялар инвесторлардың назарынан тыс қалып келген. Мәселен, шағын компаниялардың дивидендін кемінде 10 жыл қатарынан ұлғайтып келе жатқан эмитенттерге инвестиция салатын ProShares Russell 2000 Dividend Growers ETF қорының бағасы 2025 жылдың басынан бері 3,2%-ға төмендеді.
Бұл үрдіс нарықтың аталмыш бағытқа қызығушылығының әлсіз екенін көрсетеді. Негізгі себеп — қазан айындағы төмендетуден кейін ФРЖ мөлшерлемесі 3,75–4% аралығында болса, ал қордың дивидендтік табыстылығы шамамен 2,6% деңгейінде.
Freedom-ның болжамы бойынша мөлшерлемелердің одан әрі төмендеуі — 2025 жылы тағы бір және 2026 жылы екі төмендету (жалпы 0,75 пайыздық тармаққа) — дивидендтік стратегияларды қайтадан өзекті етуі мүмкін. Инвесторлар назарына ұсынуға тұрарлық компаниялардың қатарында:
— Sila Realty Trust жылжымайтын мүлікке инвестициялық траст
Дивидендтік табыстылығы: 6,8%
Freedom Broker мақсатты бағасы: $34 (7 қарашадағы жабылу бағасына қатысты өсу әлеуеті — 46,7%).
Sila Realty Trust денсаулық сақтау саласындағы жылжымайтын мүлікке бағытталған. Бұл компанияға тұрақты жалдау төлемдері мен болжамды ақша ағымдарын қамтамасыз етеді. Мықты баланс пен мәмілелерге қызығушылық, сондай-ақ капиталды қайтарудың тәртіпті саясаты ұзақмерзімді өсімге және жоғары дивидендтік табысқа негіз қалайды.
— Ituran Location and Control көлікті спутниктік бақылау қызметтері
Дивидендтік табыстылығы: 5,23%
Freedom Broker мақсатты бағасы: $44 (өсу әлеуеті — 14,5%)
Израильдік Ituran көлік құралдарын спутниктік бақылау және басқару жүйелерімен айналысады. Компания табысын екі бағыттан алады: телематикалық қызметтер (көлікті бақылау) және жабдық сату. Бұл бағыттар тұрақты әрі төмен құбылмалылықтағы ақша ағымдарын қамтамасыз етеді. Ақша-кредит саясатының қалыпқа келуі жағдайында Ituran дивидендтік стратегия тұрғысынан ерекше тартымды көрінеді.
Екінші стратегия: «Златовласка» режиміндегі өсім акциялары
«Өсім акциялары» — нарықтан әлдеқайда жоғары табыс әкелуі мүмкін компаниялар қағаздары. Әдетте мұндай акциялар ФРЖ мөлшерлемесі төмендеген кезеңдерде жақсы нәтиже көрсетеді. Сондай-ақ, іскерлік белсенділіктің жандануынан ұтады. Бұған қоса, жасанды интеллект технологияларына деген қызығушылықтың артуы және тұтынушылық несиелендірудің қалпына келуі сияқты трендтер кейбір шағын компанияларды көшбасшы етуі ықтимал. Солардың қатарында:
— Perfect Corp. — сұлулық пен сән индустриясына арналған AI шешімдерін әзірлеуші
Freedom Broker мақсатты бағасы: $4 (өсу әлеуеті — 100%-дан жоғары)
Perfect Corp. жеке цифрлық шешімдерге деген сұраныстың артуынан пайда табуы мүмкін. Бұл компанияның клиенттік базасын кеңейтуге берік негіз қалайды. 2022 жылы коммерциялық қызметін бастаған сәттен бері Perfect Corp. табысы жылына орта есеппен 13% өсіп келеді. 2025 жылға арналған консенсус-болжам өсімнің 14,5%-ға дейін жеделдеуін күтеді. Кіріс динамикасы мен күшті күтулердің үйлесуі, сондай-ақ AI бағыттарына шоғырлану компанияға «Златовласка» режимінде тұрақты өсім әлеуетін береді.
— Gaia өзін-өзі дамыту контентіне бағытталған стриминг сервисі
Freedom Broker мақсатты бағасы: $7 (өсу әлеуеті — 65,8%)
Gaia стриминг сервисі тұрақты жазылым сұранысы мен дәстүрлі теледидардан цифрлық платформаларға көшу трендінен ұтады. Компанияның ұзақмерзімді өсімінің негізі — бай түпнұсқалық контент кітапханасы, тиімді өндіріс стратегиясы және тұрақты баланс. 2026 жылы Gaia видеоконтент көлемін арттырып, тікелей маркетинг арналарына және AI-ассистентті іске қосуға басымдық бермек. Бұл жаңа баға кезеңінде аудиторияны ұстап тұруға және нарықтағы бәсекелесті арттыруға мүмкіндік береді.
— Dave финтех-компаниясы
Freedom Broker мақсатты бағасы: $280 (өсу әлеуеті — 18,9%)
Dave дәстүрлі банктер назардан тыс қалдырған клиенттерге бағытталған ерекше бизнес-модельге ие. Компания клиенттердің төлем қабілеттілігін несие рейтингтеріне емес, ақша ағымын талдау арқылы бағалайды — бұл үшін өзінің AI құралы CashAI-ды қолданады. Мұндай тәсіл шығындарды азайтып, клиенттік базаны кеңейтеді. FactSet консенсус-болжамына сәйкес, алдағы жылдары Dave табысын екі таңбалы қарқынмен арттыра береді. Бұл өсім Dave Credit несие өнімін іске қосу және дебеттік карталарды дамыту есебінен жүреді. Осылайша, компания бір клиенттен түсетін табысты арттырып, шығындардың өсуін барынша шектей алады.
Ескерту: Материал инвестициялық ұсыныс емес.
