Нью-Йорктегі таң: нарық шатдауннан қашуға көмектесетін келісімге үміт артуда
Freedom Capital Markets Research бас директорының орынбасары Михаил Денисламовтың АҚШ қор нарығына күн сайынғы шолуы және болжамы.
Біз нені күтеміз
Бүгінгі сауда сессиясының басты драйвері – 1 қазаннан бастап федералды үкіметтің жұмысының ішінара тоқтап қалу қаупі және Ақ үйдегі Конгресс көшбасшылары мен президент Дональд Трамп арасындағы келіссөздер.
Республикалықтар 21 қарашаға дейінгі қысқа мерзімді резолюцияны ұсынса, демократтар қолдауды денсаулық сақтау саласындағы соңғы қысқартуларды жою және ACA субсидияларын ұзартумен байланыстырып отыр. Сенатта уақытша шараны өткізу үшін демократтардың дауыстары қажет болғандықтан, келіссөздер барысы жайлы жаңалықтар нарықтағы құбылмалылықты арттыруда.
Сондай-ақ Трамп пен Израиль премьер-министрі Биньямин Нетаньяхудың Ақ үйдегі кездесуінде Газа және Таяу Шығыс реттеуі талқыланады. Бұл алтын секілді қауіпсіз актив, энергетикалық және қорғаныс секторындағы компания акцияларында күн ішіндегі құбылыс тудыруы мүмкін. Еуропалық одақтың кейбір елдерінің Палестинаны мойындау шешімінен кейін тараптардың риторикасы шиеленіс қаупін бағалауда басты белгі болмақ.
Макроэкономикалық күн тәртібі
Инвесторлар бүгінгі күнгі статистикадан жылжымайтын мүлік нарығына қатысты деректерді күтеді. Сондай-ақ ФРЖ өкілдері – Кристофер Уоллер, Джон Уильямс және Роберт Перлидің мәлімдемелері басты назарда. Нарық олардың сөздерінен болашақ мөлшерлеме бағыты, инфляциялық тәуекелдер және қаржылық жағдайларға қатысты сигналдарды іздейді.
Нарық ашылмай тұрып Carnival (CCL) есеп береді, ал жабылудан кейін Progress Software (PRGS), Jefferies (JEF) және Vail Resorts (MTN) нәтижелерін ұсынады.
Фьючерстер оң динамика көрсетуде. Freedom Capital Markets сарапшылары тәуекел теңгерімін бейтарап, бірақ орташа құбылмалылықпен бағалап, S&P 500 индексі 6600–6700 пункт аралығында тербеледі деп болжап отыр.
Назарда
OPEC+ қарашада тәулігіне кемінде 137 мың баррельге өндірісті арттыруды талқылап жатыр.
Lufthansa 2030 жылға дейін 4 000 әкімшілік позицияны қысқартпақ. Компания EBIT маржасының болжамын 2028 жылдан бастап 8–10% деңгейіне көтеріп, жыл сайынғы FCF-ті $2,9 млрд-тан жоғары жоспарлап отыр.
Stellantis (STLA) терезе жабындарының ажырау қаупіне байланысты 123 мың автокөлікті қайтарып жатыр.
Lockheed Martin (LMT) АҚШ ӘТК-нің $11 млрд көлеміндегі ірі келісімшарты арқасында портфелін күшейтті.
Президент Дональд Трамп Microsoft (MSFT) компаниясының жаһандық байланыстар жетекшісі Лиза Монаконы қызметтен босатуға шақырды.
SEC төрағасы Пол Аткинс Трамптың тоқсандық есептіліктен бас тарту бастамасын жеделдетуге уәде берді.
Алдыңғы күнгі сауда сессиясы
26 қыркүйектегі сауда қорытындысы бойынша: Dow Jones +0,65%, S&P 500 +0,59%, Nasdaq 100 +0,44%, Russell 2000 +0,97% көрсетті.
Барлық секторлар өсім көрсетті. Коммуналдық қызметтер (+1,63%) алға шықты. «Ғажайып жетілік» ішінде ең жоғары өсім Tesla-да (+4,02%), ал Apple (-0,55%) мен Meta (-0,69%) қысымда қалды.
Сессияға әсер еткен басты фактор – инфляция бойынша PCE деректері: айына +0,2%, жылына +2,9%. Жаңа инфляциялық қысымның жоқтығы ФРЖ-ның саясатты жұмсарту бағытын сақтауы мүмкін деген үмітті күшейтті.
Әкімшілік 1 қазаннан бастап жүк көліктеріне, кейбір жиһаз түрлеріне және фармацевтикаға кедендік баж салығын енгізді. Бұл АҚШ-та өндірісі жоғары компанияларға қолдау көрсетіп, импортқа тәуелділерге қысым түсірді.
Компания жаңалықтары
Electronic Arts (EA: +14,9%) $50 млрд көлемінде сатылуы мүмкін деген хабардан кейін акциялары күрт өсті.
PACCAR (PCAR: +5,2%) – ауыр жүк көліктеріне енгізілген тарифтен кейін ішкі өндіріс артықшылық берді.
Restoration Hardware (RH: -4,2%) – жиһазға жаңа баж салығы маржаға қысым көрсетіп отыр.
Boeing (BA: +3,6%) – FAA талаптарының жұмсаруы тәуекелдерді азайтып, акцияларға қолдау көрсетті.
