Freedom инвесторларға Boeing-тің серіктесі Hexcel акцияларын қарастыруды ұсынады
Boeing акцияларының өсуінен табыс таба алмаған инвесторлар оның серіктесі — орта капитализациялы Hexcel Corporation компаниясының акцияларын сатып алуға қарастыруына болады, деп санайды Freedom Broker. Компанияның қағаздары Boeing бағамдарының динамикасын едәуір қайталайды, бірақ олар соңғы құлдыраудан кейін әлі қалпына келмеген.
Егжей-тегжейлі
Boeing акцияларының құлдырауынан пайда табуға үлгермеген инвесторлар үшін Hexcel қағаздарын сатып алу мүмкіндігін қарастырған жөн, деп атап өтеді Freedom инвестициялық жазбасында.
Бұл шағын компания, басқа өнімдермен қатар, аэрокосмостық өнеркәсіпке арналған жеңіл құрылымдық материалдарды әзірлейді, шығарады және сатады. 2024 жылы компанияның табысы 3,6%-ға өсіп, $473,8 млн-ға жетті. Соның 15%-ын Boeing-пен серіктестіктен алды, деп атап өтеді Freedom. Брокер сарапшыларының пікірінше, егер АҚШ пен Еуропа импорттық баж салығы бойынша келісімге келсе, бұл үлес 2025 жылы артуы мүмкін.
Акциялардың жағдайы
Freedom инвесторлардың назарын Hexcel акцияларының динамикасы Boeing динамикасын едәуір қайталайтынына аудартуда. Мысалы, 2024 жылдың қараша–желтоқсанында Boeing бағамдары өсті, ал қаңтарда Hexcel қағаздары сол траекторияны қайталады.
Соңғы рет екі компанияның акциялары да, жалпы нарық сияқты, 2 сәуірде құлдырады — ол кезде АҚШ президенті Дональд Трамп бірқатар елдерден келетін тауарларға импорттық баж салықтарын арттыру туралы жариялаған еді. Сол уақыттан бері Boeing акциялары 21%-дан астамға өсті, ал Hexcel әзірше 5% минуста. 14 мамырдағы сауда жабылуында олардың бағасы $53,83 болды.
Freedom пікірінше, Hexcel акцияларының бағасы алдағы екі айда $61-ге жетуі мүмкін — бұл ағымдағы бағадан 13%-дан астам жоғары.
Сарапшылардың бағалауы
MarketWatch порталының дерегінше Уолл-стриттегі 23 сарапшының пікіріне негізделіп есептелген Hexcel қағаздарының орташа мақсатты бағасы — $60,25. Бұл соңғы жабылуға қарағанда шамамен 12% өсу әлеуетін білдіреді.
Сарапшылардың көпшілігі — 23-тен 14-і — Hexcel акцияларын портфельде ұстауды ұсынады, тағы жетеуі — сатып алуды, ал екеуі — сатуды жөн санайды.
