American Eagle рекордтық сатылым туралы есеп берді: Сидни Суини табыс әкелді
Джинсы өндірушісі American Eagle Outfitters 3 желтоқсан таңғы саудасында 13%-дан аса қымбаттады. Компанияның тоқсандық табысы рекордтық деңгейге жетті. Бұған Голливуд актрисасы Сидни Суини түсірілген жарнама кампаниясы да айтарлықтай әсер етті. АҚШ президенті Дональд Трамп бұл жарнаманы «ең қызу талқыланатын» деп атады. Нәтижесінде American Eagle мерекелік маусым алдында жылдық болжамын көтерді.
Егжей-тегжейлі
— 3 желтоқсан таңында American Eagle акциялары 13% өсіп, $23,6 болды. Ал негізгі саудада баға 2% төмендеп, $20,8 болып жабылды. Бұл — 2024 жылғы қазаннан бергі ең жоғары деңгей.
— Сидни Суини мен Канзас-Сити Чифс ойыншысы, Тейлор Свифттің жігіті Трэвис Келсидің қатысуымен жасалған жарнамалық кампаниялар сатылымды күшейтіп, компания биыл нарықтағы үлесін 20%-дан көп арттырды, деп жазады Barron’s.
— 1 қарашада аяқталған үшінші қаржылық тоқсанда таза табыс 6% өсіп, рекордтық $1,36 млрд болды. Уолл-стрит болжамы — $1,32 млрд еді.
— Сатылымның өсуіне бірдей дүкендер тобы бойынша 4% өсім себеп болды:
• Aerie бренді — +11%
• American Eagle — +1%
— Таза пайда (EPS) бір акцияға $0,53 болды (болжам — $0,43).
— Есептің әлсіз жері — маржа. Жалпы тиімділік 0,4 п.т. төмендеп, 40,5% болды. Бұған импорттық баж салығы мен маркетинг шығындарының өсуі әсер етті.
Алда не күтіп тұр
Үшінші тоқсандағы рекордтық нәтижеден кейін American Eagle 2025 қаржылық жылына арналған болжамын көтерді.
— Бұрын компания бірдей дүкендер бойынша сатылым өзгеріссіз қалады деген еді, енді өсім «төмен бір таңбалы» деңгейде — шамамен 5%-ға дейін болады деп күтеді.
— Операциялық табыс $303–308 млн болады (бұрын — $255–265 млн).
Компания басшысы Джей Шоттенштейн:
«Алғыс айту күніндегі демалыстарда рекорд орнаттық. Маусымды сәтті аяқтап, осы серпінді 2026 жылға алып өткіміз келеді», — деді.
Акциялардың жағдайы не болып жатыр?
— Жыл басынан бері American Eagle акциялары 25% өсті.
— Бірақ өсу негізінен алдыңғы тоқсандық есептен кейін болды — онда жұлдыздар қатысқан маркетинг шынымен нәтиже бергені көрсетілген.
— Бұған дейін, керісінше, акциялар жыл басынан есеп шыққанға дейін 20% арзандаған. Инвесторлар импорттық баж салығы және сатып алушылардың киімге ақша жұмсауда сақ болуы компанияға қалай әсер ететінін уайымдады.
Жағдайды жақсарту үшін American Eagle шілдеде Суинимен кампания бастады. Акциялар бірден өсті — алдымен кампания жарияланған күні, кейін Трамп постерді мақтағаннан кейін.
Алайда жарнамадағы «Sydney Sweeney has great jeans» («Сидни Суинидің джинсысы керемет») деген слоган jeans пен genes сөздерінің ұқсастығына байланысты сын да тудырды.
Соған қарамастан, Суини мен Келси қатысқан кампаниялар 44 млрд-тан аса қаралым жинады, деп жазады Barron’s. Ал Мартa Стюарт түскен жаңа мерекелік жарнама да сатылымды қолдауға тиіс.
Аналитиктер не дейді?
MarketWatch-тың дерегінше Уолл-стрит сақ көзқарас танытып отыр. 8 аналитик — ұстау, 3 — сату, 1 — сатып алу ұсынысын беріп отыр.
Орташа мақсатты баға — $19,22, бұл қазіргі нарықтық бағадан төмен.
