Нью-Йорктегі таң: нарық бағытын ФРЖ басшысы Пауэллдың сөзі айқындайды

Freedom Capital Markets Research директорының орынбасары Михаил Денисламовтың АҚШ қор нарығындағы күнделікті оқиғаларға шолуы және болжамдары.

Өткен күнгі нарық

15 сәуірдегі сессия АҚШ қор биржаларында әртүрлі нәтижелермен аяқталды және жалпы орташа динамиканы көрсетті. S&P 500 0,17%-ға төмендеді, Nasdaq 100 0,18%-ға өсті, Dow Jones 0,38%-ға төмендеді, ал Russell 2000 0,11%-ға көтерілді. Индекстің аздаған өсуіне ірі банктердің мықты есептері, қауіпті активтерге қызығушылықтың біртіндеп оралуы және құбылмалылықтың әлсіреуі ықпал етті.  Технологиялық компаниялардың акциялары (XLK: +0,36%) кқш бастады, ал күнделікті тұтыну тауарлары секторы (XLP: −0,84%) аутсайдерге айналды.

ФРБ Нью-Йорктің (Empire State) сәуір айындағы өндірістік іскерлік белсенділік индексі консенсус −14,5 болғанда −8,1 пунктті құрады. Бұл ретте жұмыс сағаттарының азаюы мен бағалардың өсуі төртінші ай қатарынан жалғасуда. Болашаққа болжам индексі 20 пунктке төмендеп, 20 жылдық бақылау тарихындағы екінші ең төменгі деңгейге жетті.

Наурыз айындағы импорт бағалары 0,1%-ға төмендеді, ал экспорттық бағалар өзгеріссіз қалды.

Компания жаңалықтары

— 2030 жылға қарай кірістерін екі есе арттыру, операциялық пайдасын үш есе ұлғайту және нарықтық капитализациясын $1 трлн-ға жеткізу жоспарын жариялаялағаннан кейін Netflix акцияларының бағасы көтерілді (NFLX: +4,8%).

— Bank of America акциялары (BAC: +3,7%) бірінші тоқсанның мықты есебін жариялағаннан кейін өсті. Банктің нәтижелері орташа нарықтық болжамдарды асып түсті, таза пайыздық кірістер бойынша нұсқаулық өзгеріссіз қалды.

— Citigroup (C: +1,8%) пайыздық және комиссиялық кірістер бойынша консенсусты асыра орындап, сонымен қатар несиелер мен депозиттер көлемінің алға жылдам өсуін көрсетті.

— Boeing акциялары (BA: −2,4%) Қытайға жеткізілімдердің тоқтатылуы туралы жаңалыққа кері әсер берді. ҚХР билігі жергілікті әуекомпанияларға америкалық өндірістегі ұшақ бөлшектерін сатып алмауға кеңес берді.

Біз не күтеміз

Бүгінгі сауда-саттық қатысушылары негізінен сауда баждарына қатысты жаңа мәлімдемелердің болмау шартымен динамиканы анықтай алатын кең макроэкономикалық мәселелерге көңіл бөледі.

Күннің басты оқиғасы Чикаго Экономикалық клубында Джером Пауэллдің баяндамасы болмақ, онда ол ағымдағы жағдай мен соңғы макростатистиканы егжей-тегжейлі талқылайды. Әсіресе, тұтынушылардың инфляциялық күтулерінің динамикасы туралы ФРЖ төрағасының пікірі ерекше назар аударады, себебі FOMC-тің басқа өкілдері бұл көрсеткіштің күрт өсуіне алаңдаушылық білдіре бастады. Сондай-ақ, Кливленд Федералдық резерв банкінің төрайымы Элизабет Хаммак пен Канзас-Сити Федералдық резерв банкінің басшысы Джеффри Шмид өз пікірлерін білдіреді.

Сәрсенбінің басты макроэкономикалық көрсеткіші наурыздағы бөлшек сауда сатылымдары туралы деректер болады (жалпы көрсеткіш бойынша консенсус: +1,4% айлық есеппен, негізгі (автокөліктерді қоспағанда): +0,4%). Freedom Broker сарапшылары негізгі индекстің шамамен 0,3%-ға аздап өсуін болжайды, бұл бәрібір оң сигнал ретінде қабылдануы мүмкін. Әсіресе маңызды компонент ретінде қоғамдық тамақтануға жұмсалатын шығындардың динамикасы қарастырылады. Үш ай бойы төмендегеннен кейін қайта өсу тұтынушылық сұраныстың қалпына келгенін растар еді.

Наурыздағы өндірістік көрсеткіштер де назарда болады (консенсус: −0,2% айлық есеппен). Freedom Broker болжамы бұл көрсеткіштің ақпандағы (+0,7%) күшті динамикасының жалғасы ретінде 0,15%-ға жоғарылауы мүмкін екенін көрсетеді. Дегенмен, бұл мәселеде сарапшылардың пікірлері айтарлықтай әртүрлі.

Америкалық қор индекстеріне арналған фьючерстер соңғы корпоративтік жаңалықтардың әсерімен теріс динамиканы көрсетуде, ал АҚШ пен Қытай арасындағы тарифтерге қатысты келіссөздерде әлі де ілгерілеу жоқ.

Алдағы сессиядағы тәуекелдер теңгерімін теріс деп бағалаймыз, жоғары құбылмалылықты болжаймыз. Біз S&P 500-дің 5280–5450 пункт аралығындағы қозғалысын күтеміз (алдыңғы сауда-саттық жабылу деңгейіне қарағанда −3,6%-дан +1%-ға дейін).

Басты назарда

— ASML компаниясының бірінші тоқсандағы жаңа тапсырыстарының көлемі 3,94 миллиард еуроға жетті, бұл 4,89 миллиард еуро болатын консенсус күтілімінен төмен. Сонымен қатар компанияның кірісі мен пайдасы нарық күтілімдеріне жақын болды. Басшылықтың айтуынша АҚШ-тың сыртқы сауда саясатының белгісіздігі сұранысқа қауіп төндіруі мүмкін, дегенмен жасанды интеллект саласына деген қызығушылық сақталуда.

— Nvidia компаниясы (NVDA) АҚШ билігінің Қытайға H20 ЖИ-чипін экспорттау үшін лицензия талап ететінін хабарлады. Менеджменттің бағалауынша бұл $5,5 миллиард көлемінде шығынға әкелуі мүмкін, бұл компания акцияларының сауда сессиясынан кейін 6%-дан астам құлдырауына себеп болды.

— United Airlines (UAL) кварталдық есеп бергеннен кейін, брондаудың тұрақты көлемі мен халықаралық және премиум рейстерге жоғары сұраныс туралы хабарлады. Компанияның акциялары сауда аяқталғаннан кейін 6%-дан астам өсті. Компания жылдық пайда болжамын сақтап қалды, бірақ рецессия жағдайында қосымша сақтық сценарийін ұсынып, макроэкономикалық жағдайды «болжау қиын» деп атады.

— Interactive Brokers (IBKR) компаниясының бағалы қағаздары негізгі сессия аяқталғаннан кейін 9%-дан астам төмендеді, өйткені компанияның тоқсандық кірісі мен пайдасы болжамдардан төмен болды. Сонымен қатар менеджмент жылдық кірістің өскенін атап өтті, бірақ алдыңғы есеп беру кезеңдерінен айырмашылығы, бұл жолы ол болжамдарды еңсере алмады.