Apple жаңа iPhone бағасын көтереді, бірақ бұны баж салығымен байланыстырмайды — WSJ
Apple күзде шығатын жаңа iPhone моделдерінің бағасын көтеруді жоспарлап отыр, деп хабарлайды The Wall Street Journal дереккөздері. Компания бұл қадамды құрылғылардың дизайны мен функцияларын жетілдірумен түсіндірмек. Apple өнімдерінің көбі Қытайда құрастырылғанына қарамастан, компания бағаның өсуін импорттық баж салығымен байланыстырмауға тырысады.
Негізгі мәліметтер:
WSJ-дың жазуынша, жаңа iPhone-дар ультражұқа корпуста болады. Бірақ Apple нақты қандай технологиялық жаңалықтарды сылтау етіп көрсететіні әзірге белгісіз.
Компания шығынды тек жеткізушілерге қысым жасау арқылы жаба алмайды, сондықтан бағаны көтеру маржаны сақтау үшін қажет болуы мүмкін. Тим Кук бұған дейін баж салығы Apple-дің тоқсандық шығындарын 900 млн долларға арттыратынын мәлімдеген.
Алайда компания баға өсуін салықпен түсіндіруден тартынып отыр. WSJ бұл шешімге Amazon-мен болған дау себеп болуы мүмкін дейді: сәуір айында Amazon өнім бағасына баж салығының қосылғанын көрсететінін хабарлаған соң, Ақ үйден қатаң сын естіген.
АҚШ пен Қытай уақытша сауда келісіміне келіп, өзара баж салығын азайтты: Қытайдан АҚШ-қа импортқа 145%-дан 30%-ға, ал АҚШ-тан Қытайға 125%-дан 10%-ға төмендетілді. Бұл келісім 90 күнге созылады. Соған қарамастан, Bloomberg сарапшыларының пікірінше, баж салықтары әлі де компаниялар табысына кері әсер етеді.
Apple iPhone өндірісінің бір бөлігін Қытайдан АҚШ-қа немесе Үндістан мен Вьетнамға көшіру мүмкіндігін қарастыруда. Тим Куктың айтуынша, қазіргі тоқсанда АҚШ нарығына арналған iPhone-ның басым бөлігі Үндістанда шығарылады. Бірақ ең қымбат модельдер – Pro және Pro Max – әлі де Қытайда жасалады, себебі онда өндірістік қуат жоғары.
Apple өкілдері ақпарат агенттіктерінің сұрауларына жауап бермеді.
Акциялар не болды?
12 мамырда Apple акциялары 7%-ға өсіп, екі аптадағы максимумға жетті. Бұл АҚШ пен Қытай арасындағы келісімге байланысты бүкіл нарықтағы көтеріңкі көңіл-күймен байланысты. Алайда жыл басынан бері Apple құны 16%-ға төмендеген. Салыстырмалы түрде, S&P 500 индексі сол уақытта небәрі 3,8%-ға құлдыраған.
Контекст
АҚШ пен Қытай баж салығын уақытша төмендету жөнінде келісімге келді: АҚШ-қа Қытайдан импортталатын тауарларға салынатын салық 145%-дан 30%-ға, ал Қытай АҚШ тауарларына салатын салықты 125%-дан 10%-ға дейін азайтады. Бұл келісім 90 күнге созылады, осы мерзім ішінде тараптар сауда келіссөздерін жалғастырмақ. Алайда, Bloomberg атап өткендей, осы жеңілдетілген салықтың өзі де компаниялардың табысына кері әсерін тигізе береді.
Apple құрылғыларының көпшілігі Қытайда құрастырылады, сондықтан сауда соғысының аясында компания iPhone өндірісінің бір бөлігін АҚШ-қа көшіру мүмкіндігін қарастырып жатыр. WSJ-дың жазуынша, бұл процеске бірнеше жыл қажет болады. Басты балама елдер – Үндістан мен Вьетнам.
Тим Куктың айтуынша, ағымдағы тоқсанда АҚШ нарығына арналған iPhone-ның көп бөлігі Үндістанда өндіріледі. Былтыр Үндістан әлемдік iPhone жеткізілімінің 13–14%-ын қамтамасыз еткен, ал биыл бұл көрсеткіш екі есеге дейін өсуі мүмкін, дейді басылым.
Алайда, ең пайдалы модельдер – Pro және Pro Max – әлі де Қытайда шығарылатын болады, себебі бұл елдегі зауыттар жоғары өндірістік қуатқа ие. Үндістанда техникалық мүмкіндік болса да, жаппай өндіріс үшін қажетті инфрақұрылым жетіспейді.
2024 жылы АҚШ-та сатылған шамамен 65 миллион iPhone-ның 36–39 миллионы дәл осы Pro және Pro Max модельдеріне тиесілі болған, деп жазады WSJ Jefferies компаниясының мәліметтеріне сүйеніп.
