Миран еңбек нарығындағы қауіпке байланысты мөлшерлемені төмендетуге шақырды
АҚШ Федералдық резерв жүйесінің басқарушылар кеңесі мүшесі Стивен Миран қазіргі пайыздық мөлшерлемелер тым жоғары екенін айтып, еңбек нарығын қорғау үшін алдағы айларда оларды агрессивті түрде төмендетуге шақырды, деп хабарлайды Bloomberg. Экономикаға зиян келтірмеу үшін пайыздық мөлшерлемелер едәуір төмен болуы тиіс, деп атап өтті шенеунік.
Миранның айтуынша, салық және иммиграция саясатының өзгеруі, жалдау мөлшерлемесінің төмендеуі, дерегуляция және баж салығынан түсетін түсімдер жаңа экономикалық шынайылық қалыптастырып отыр. Бұл ФРЖ-ға негізгі мөлшерлемені ағымдағы деңгейден шамамен 2 пайыздық пунктке төмендетуге мүмкіндік береді, дейді CNBC.
«Мәселен, ақша-несие саясаты қазір қатты шектеулі аймақта тұр, — деді Миран Нью-Йорк Экономикалық клубындағы сөзінде (Bloomberg келтірген). — Қысқа мерзімді пайыздық мөлшерлемелерді оңтайлы деңгейден шамамен 2 п.п. жоғары ұстап тұру артық жұмыстан босатулар мен жұмыссыздықтың өсу қаупін туғызады».
Бұл — Сенат оны ФРЖ басқарушылар кеңесіне бекіткеннен кейінгі Мираның алғашқы бағдарламалық сөзі. Оны ФРЖ-ға президент Дональд Трамп ұсынған. CNBC атап өткендей, Мираның көзқарасы мөлшерлемені анықтайтын ФРЖ ашық нарық комитетінің (FOMC) консенсус позициясымен қатты қайшы келеді. Комитет қазір сақтықты ұстанып, алдағы жылдары мөлшеремені біртіндеп және ұстамды түрде төмендетуді көздеп отыр.
Контекст
16–17 қыркүйектегі екі күндік отырыстың қорытындысы бойынша, FOMC негізгі мөлшерлемені 25 базистік пунктке (0,25 п.п.) төмендетті — бұл 2025 жылғы алғашқы шешім болды. Енді ол 4–4,25% деңгейінде тұр. ФРЖ шешімі нарық қатысушылары мен экономистердің күтулерімен толық сәйкес келді. Федрезерв жариялаған «нүктелік графикке» сәйкес, реттеуші биыл мөлшерлемені тағы 50 б.п.-қа азайтуды, ал 2026 жылы — 25 б.п.-қа төмендетуді болжап отыр.
Сонымен бірге Миран жалғыз өзі FOMC шешіміне қарсы дауыс берді, өйткені ол бірден 50 б.п.-қа төмендетуді, сондай-ақ жыл соңына дейін мөлшерлемені қосымша 1,25 б.п.-қа түсіруді талап етті.
