Израиль мен Иран арасындағы атысты тоқтату күшіне енді — Трамп
Израиль мен Иран арасындағы атысты тоқтату күшіне енгенін АҚШ президенті Дональд Трамп сейсенбі таңертең мәлімдеді. «ӨТІНЕМІН, ОНЫ БҰЗБАҢЫЗДАР!» — деп жазды ол әлеуметтік желіде.
Трамп бұл атысты тоқтату туралы бір күн бұрын хабарлағанымен, нақты қашан басталатынын нақтыламаған еді. Израиль әлі күнге дейін бұл мәлімдемеге ресми түсініктеме берген жоқ. Түнде екі тарап тағы да бір-біріне соққы жасап, Иранның атқылауы салдарынан Израильдің оңтүстігінде бірнеше адам қаза тапқаны хабарланды. Таңға жақын Иран сыртқы істер министрі X әлеуметтік желісінде Тегеран шабуылдарды тоқтататынын аңғартты.
Кеше Трамп алдымен Иран атысты тоқтататынын, одан кейін 12 сағаттан соң Израиль де соққыларды доғаратынын, келесі 12 сағатта тараптар шабуыл жасамайтынын, содан кейін «әлем 12 күндік соғыстың ресми аяқталуын қарсы алады» деп мәлімдеген болатын.
Нарық қалай әрекет етті
— Brent маркалы мұнай бағасы сейсенбі таңертең шамамен 4,5%-ға төмендеп, 13 маусымдағы қақтығыс шиеленісіне дейінгі деңгейге қайта оралды.
— Америкалық акциялар фьючерстері өсті: Dow Jones фьючерстері 0,8%-ға, S&P 500 — 0,9%-ға, ал Nasdaq 100 — 1,2%-ға көтерілді.
— Инвесторлардың қорғаныс активтеріне сұранысы азайғандықтан алтын арзандады: бағалы металлдың құны 1%-ға төмендеп, унциясы $3335-тен төмен түсті.
