Таңғы жаңалықтар: S&P 500 түзету кезеңінде, трейдерлер құлдырауды сатып алмайды

S&P 500

Дональд Трамптың сауда соғысы аясында түзету кезеңіне өтті, ал алтын мен мұнай

қымбаттап жатыр. Binance биржасының АҚШ президентінің отбасымен келіссөздер

жүргізіп жатқаны туралы қауесеттер аясында BNB токені нығайды, ал Tesla

акцияларына одан әрі құлдырау болжануда. Бұл және басқа да тақырыптар туралы 14

наурыздағы әлемдік БАҚ шолуын оқыңыз.

S&P 500

түзету кезеңіне өтті

13 наурыз,

бейсенбі күні S&P 500 индексі ресми түрде түзету кезеңіне өтті, ақпан

айында қол жеткізген тарихи максимумынан 10%-ға төмендеп жабылды, деп жазады Business

Insider. Құлдыраудың басты себебі – Дональд Трамп бастаған сауда соғысы.

Акциялар үшін кезекті соққы Трамптың ЕО-дан импортталатын шарап пен алкоголь

өнімдеріне 200% баж салығын енгізу туралы қатері болды.

Алғашында

инвесторлар Трамптың протекционистік сауда саясатын американдық компанияларды

қолдайтын іскерлік стратегия ретінде қарастырды деп жазады басылым. Алайда,

Вашингтонның күтпеген мәлімдемелері нарық үшін басты мәселе болып отыр.

13    

наурыздағы

сауда қорытындысы бойынша: S&P 500 – 5521,52 пункт (-1,4%), Dow Jones – 40

813,57 пункт (-1,3%), Nasdaq Composite – 17 303,01 пункт (-2%) жоғалтты. CNBC

мәліметінше құлдырау АҚШ-тағы инфляция туралы оптимистік деректерге қарамастан

орын алды. Global X инвестициялық стратегия басшысы Скотт Хельфстайн ФРЖ-нің

келесі пайыздық мөлшерлеме өзгерісі төмендеу бағытында болуы мүмкін деп

санайды, бірақ баж салығының енгізілуі белгісіздік тудырады. «Негізгі сұрақ –

баж салығы экономика өсіміне немесе инфляцияға көбірек әсер ете ме?» – деді ол.

Business Insider

атап өткендей, тұрақсыздық кезеңі Трамптың инаугурациясынан кейін бірден

басталды, бірақ ақпанда ол АҚШ-тың Канада және Мексикамен толыққанды сауда

соғысына дайын екенін мәлімдегеннен кейін қысым күшейді.

Еуропалық

акциялар Трамптың жаңа қатерлерінен кейін төмендеуде

CNBC мәліметінше,

Stoxx 600 индексі жаңа сауда шиеленісінің қысымымен 0,15%-ға төмендеді. Әсіресе

алкоголь өнімдерін шығаратын компаниялар зардап шекті. Pernod Ricard, Rémy

Cointreau, Davide Campari – 3%-дан астамға төмендеді, Diageo (Johnnie Walker,

Guinness иесі) – 0,2%-ға төмендеді, LVMH (Moët & Chandon, Hennessy иесі) –

1,1%-ға капитализациясын жоғалтты. Трамп бұл шараларды ЕО-ның америкалық

вискиге 50% баж салығын енгізуіне жауап ретінде қарастырып отыр.

Алтын тарихи

рекорд орнатты

Bloomberg дерегінше,

алтын унциясы $2990,21-ға дейін көтеріліп, жаңа тарихи рекорд орнатты.

Инвесторлар сауда соғысы мен АҚШ экономикасының болашағына алаңдаушылық

білдіріп, қорғаныс активтерін сатып алуда. Macquarie Group – алтын бағасы 2025

жылдың 2-тоқсанында $3500-ға жетуі мүмкін, BNP Paribas SA – орташа баға

$3000-нан асып кетеді деп болжайды.

ФРЖ-нің пайыздық

мөлшерлемені төмендетуі алтынға қолайлы жағдай жасайды, өйткені бұл актив

пайыздық табыс әкелмейді.

Мұнай

санкциялар аясында қымбаттауда

Bloomberg мәліметінше,

мұнай бағасы АҚШ-тың Иран мен Ресейге салған санкцияларының әсерінен көтерілді.

Brent – $70-тан жоғары, WTI – $67 шамасында. АҚШ Иран мұнай министріне және

бірнеше көлік компанияларына санкциялар енгізді. Сонымен қатар, ресейлік

энергия тасымалы бойынша төлемдерге шектеулер енгізілді.

Бұған дейін IEA

сұраныс төмендеуі мүмкін екенін ескерткеннен кейін мұнай бағасы қысқа мерзімді

құлдырауға ұшырады. ANZ Group Holdings сарапшылары жылдың екінші жартысында

нарық балансы қалпына келіп, Brent 2025 жылдың соңына қарай $70-қа қайта оралуы

мүмкін деп есептейді.

BNB

Binance-тің АҚШ президентінің отбасымен байланысы туралы қауесеттерден кейін

қымбаттады

Binance

биржасының BNB токені 7,5%-ға өсті. The Wall Street Journal мәліметінше Трамп

отбасы Binance US-тің үлесін сатып алу мүмкіндігін қарастыруда.

Bloomberg

дерегінше World Liberty Financial (Трамп отбасымен байланысты крипто-жоба) Binance-пен

бірлесіп стейблкоин құру мүмкіндігін талқылауда. Алайда, Binance негізін

қалаушы Чанпэн Чжао (CZ) бұл қауесеттерді жоққа шығарды.

«Кешіріңіз, бірақ

WSJ мақаласында қателіктер бар. Біз ешкіммен мұндай келіссөздер жүргізген

жоқпыз», – деп жазды CZ X (бұрынғы Twitter) платформасында.

Уолл-стрит «құлдырауды

сатып ал» стратегиясынан бас тартуда

Bloomberg

жазғандай Трамптың сауда саясаты инвесторларды «құлдырауды сатып алу»

стратегиясынан алыстатты. Roundhill Investments бас директоры Дэйв Мазза: «Қазір

сатып алу – кімнің өнер көрсететінін білмей, шоуға билет алу сияқты».

Banrion Capital

Management инвестициялық директоры Шана Сиссел: «Қазір күшті компанияларды

тиімді бағамен алу мүмкіндігі бар».

Дегенмен,

сарапшылар нарықтың «түбін» табу қиын екенін ескертеді.

Tesla

акцияларына одан әрі құлдырау болжануда

Tesla акциялары 2024

жылдың желтоқсан айындағы шыңынан бері 48%-ға құлады. Инвестор Росс Гербер 2025

жылы құлдырау 50%-ға жетуі мүмкін деп болжайды. Гербердің Gerber Kawasaki

Wealth & Investment Management компаниясы Tesla-дағы үлесін 31%-ға

қысқартты. 2024 жылғы пайда 52%-ға қысқарып, $2,04 болды.2025 жылға болжам: $2,75.

Гербердің

пікірінше Tesla-ның нақты пайда өсімін көрсетуі қажет. Сонымен қатар, ол Илон

Масктың саяси мәлімдемелері Tesla брендінің клиенттерін шошытуы мүмкін деп

санайды.