Upwork бірінші тоқсанда рекордтық табыс тіркеп, акциялары 18%-ға қымбаттады
Upwork платформасының акциялары 6 мамырда Nasdaq биржасында 18% қымбаттады. Компания бірінші тоқсан бойынша рекордтық — $192,7 млн кіріс тіркегенін жариялады.
Толығырақ
6 мамырда Upwork акциялары сауда барысында 18% қымбаттап, $15,7 дейін жетті. 5 мамырда онлайн‑платформа 2025 жылғы бірінші тоқсан қаржылық нәтижелерін жариялап, таза пайданың екі есе өсіп, кірістің өткен жылдың сәйкес кезеңімен салыстырғанда 1%‑ға ұлғайғанын хабарлады. Яғни, кіріс $192,7 млн‑ға дейін артты — бұл компания тарихындағы ең жоғары нәтиже. Таза пайда $37,7 млн болды.
Платформадағы клиенттердің жалпы шығыны (GSV) бірінші тоқсанда $987,7 млн‑ға тең болып, 2024 жылғы сәйкес тоқсанға қарағанда 2% төмендеді. Upwork бұл төмендеуді макроэкономикалық жағдаймен түсіндірді. Активті пайдаланушылар саны да азайып, 2025 жылғы бірінші тоқсанда 812 мың адамды құраса, 2024 жылы — 872 мың. Алайда бір пайдаланушыға шаққандағы GSV жылдық есеппен 3% өсіп, $4 912‑ға жетті — бұл көрсеткіш соңғы алты тоқсан ішінде алғаш рет өскені атап өтілді.
2025 жылға Upwork кірісін $740–$760 млн, түзетілген табысты акцияға шаққанда $1,14–$1,18 деңгейінде болжауда. Бұл 2024 жылға қарағанда кірістің сәл төмендеуін білдірсе де, акцияға шаққандағы пайда (2024 жылы $1,04 болған) айтарлықтай өседі деп күтілуде.
Сарапшлардың пікірі
Citigroup сарапшылары есеп жарияланған соң Upwork акцияларының мақсатты бағасын $19-дан $18-ге түсіріп, «нейтралды» рейтингті сақтады. Олар макроэкономикалық факторлардың қысымы компанияның болашақ қаржылық нәтижелеріне әсер етуі мүмкін екенін ескертеді.
Ал Goldman Sachs корпорациясында есептен кейін қарым‑қатынас оң – аналитик Эрик Шеридан акцияларды «сатып алуға» кеңес беріп, мақсатты бағаны $25-ке дейін көтерді.
MarketWatch мәліметінше Upwork динамикасын бақылайтын 11 сарапшының 6‑сы акцияларды сатып алуға, 5‑і — портфельде ұстауға кеңес береді. Орташа мақсатты баға — $18,9.
Компания туралы не білу керек
Upwork — фрилансерлер мен тапсырыс берушілерді байланыстыратын онлайн‑платформа, ол қызмет үшін комиссия алады. 2015 жылы Elance пен oDesk екі платформа бірігуі нәтижесінде құрылған. 2018 жылы компания IPO арқылы $1,5 млрд тартты.
2024 жылғы қыркүйекте ірі инвесторлардың бірі — Engine Capital хедж‑фонды Upwork басқаруын және стратегиясын сынға алып, платформаның әлеуетін толық пайдаланбай отырғанын мәлімдеді. Ашық хатта стратегиялық түсініктің, басқарудың және капитал бөлудің тиімді еместігі мен басқарушылар құрамының ауысуы сыналды.
Upwork ресми жауабында нақты түсініктеме бермегенімен, бір ай ішінде компания қызметкерлердің 21%-ын қысқарып, ұйымдық құрылымды оңтайландырып, автоматтандыруды арттырып, зерттеу‑әзірлеуге инвестицияны оңтайландыруды жариялады.
